.cat

.cat sī 1 chióng chàn-chō·-hêng siōng-téng domain (贊助型上頂--, Eng-gí: sponsored top-level domain, sTLD); ICANN tī 2005 nî 9 goe̍h chèng-sek phoe-chún sú-iōng. Bo̍k-te̍k sī beh thê-seng Catalunya-gí kap Catalunya bûn-hoà ê lêng-kiàn-tō͘. Che sī tē 1 ê khiā tī gí-giân bûn-hoà ê kak-tō͘ sin-chéng sêng-kong ê domain miâ. Catalunya ê bîn-kan thoân-thé Associació puntCAT sī .cat ê chàn-chō͘ tan-ūi (sponsor).

.cat sī Catalunya chū 1996 nî khai-sí sak ê domain miâ; chit ê miâ oân-ná sī ISO 639-2 kui-hoān ê Catalunya-gí tāi-bé. Tī Catalunya ū chi̍t-koá ki-kò͘, khì-gia̍p iah-sī kò-jîn bē-giàn tiàm .es (Se-pan-gâ) iah-sī .fr (Hoat-kok) chit 2 ê kok-ka domain miâ chhut-pán in ê bāng-ia̍h. Pí-lūn kóng Catalunya chèng-hú ê bāng-chí (www.gencat.net) tō thiau-kang bô iōng .es. Girona kam-goān iōng Gibraltar ê domain miâ .gi mā bô ài iōng .es.

ICANN chheng-chhó piáu-sī kìm-chí lâng iōng .cat chò koan-hē niau-á (Eng-gí: cat) ê lō͘-iōng, tû-hui sī iōng Catalunya-gí siá iah-sī hām Catalunya bûn-hoà ū tī-tāi.

Goā-pō͘ liân-kiat

• Chù-chheh pān-hoat (Catalunya-gí, Se-pan-gâ-gí, Eng-gí)
• Associació puntCAT (Catalunya-gí)
• Cultural diversity in cyberspace: The Catalan campaign to win the new .cat top level domain Archived 2007-10-20 at the Wayback Machine. (Eng-gí)
  • Amadeu Abril: .cat ê thui-sak-chiá Archived 2006-05-10 at the Wayback Machine. (chit phiⁿ chham-khó téng-koân ê bûn-chiuⁿ, Hoâ-gí)