2005 nî 3 goe̍h

3 go̍eh 29 hō

• Ìn-nî Sumatra-tó sai-pō· kīn Nias-tó ê só·-chāi tī tong-tē pòaⁿ-mê hoat-seng 8.7-kip ê kiông-lia̍t tē-tāng, bo̍k-chêng iok-kî-liōng ū chheng lâng sí-bông. Che sī chēng kū-nî ê Ìn-tō·-iûⁿ tōa tē-tāng kàu taⁿ siāng lia̍t ê 1 pái tē-tāng. Siau-sit chi̍t-ē chhut-lâi, keh-piak kok iân-hái ê ki-bîn chē-chē lâng kiaⁿ-hiâⁿ cháu-pī. (BBC Tiong-bûn-bāng)

3 go̍eh 21 hō

• Liân-ha̍p-kok pì-su-tiúⁿ Kofi Annan ho·-iok hōe-oân kok chi-chhî tōa kái-kek, pau-koah chiong An-choân Lí-sū-hōe tùi 15 se̍k cheng-ka kàu 24 se̍k, chè-tēng chhut-peng ê tiâu-kiāⁿ, chè-tēng khióng-pò·-chú-gī ê tēng-gī, siat sin jîn-koân ki-kò· téng-téng. BBC

3 go̍eh 19 hō

• Bí-kok kok-bū-kheng Condoleezza Rice hóng-mn̄g Ji̍t-pún kî-kan, kong-khai piáu-bêng beh chi-chhî Ji̍t-pún ka-ji̍p Liân-ha̍p-kok An-chôan Lí-sū-hōe. Liân-ha̍p-chá-pò