Brassica oleracea
| ?Brassica oleracea | ||||||||||||||
|---|---|---|---|---|---|---|---|---|---|---|---|---|---|---|
| ||||||||||||||
| Seng-bu̍t-ha̍k hun-lūi | ||||||||||||||
| ||||||||||||||
| Ha̍k-miâ | ||||||||||||||
| Brassica oleracea L. |
Brassica oleracea, chū-pún tī Au-chiu lâm-pō͘/se-pō͘ hái-hoāⁿ seⁿ-thoàⁿ ê nn̄g-nî-seⁿ (biennial) si̍t-bu̍t. In-ūi m̄-kiaⁿ iâm-hūn iah-sī chio̍h-hoe, koh han-bān kap pa̍t-chióng si̍t-bu̍t kēng-cheng, i ê thian-jiân tē-poâⁿ it-poaⁿ hān-chè tī chio̍h-hoe-chio̍h ê hái-piⁿ-á khàm ê só͘-chāi. I ê chē-chē chai-pôe phín-chéng (cultivar) ū thong sè-kài ê keng-chè kè-ta̍t.
Iá-seng ê B. olearacea seⁿ chò lò-lò. Thâu 1 nî hoat tōa hio̍h, hio̍h-á phēng pa̍t-chióng Brassica chéng khah kāu; che hō͘ i ū châi-tiāu tī bái-bái ê khoân-kéng khêng chúi-hun kap ióng-hūn. Tē 2 nî, hit-kóa khêng piān ê ióng-hūn tō iōng-lâi seⁿ 1–2 kong-chhioh koân ê hoe-ki, bīn-téng kat chē-chē n̂g hoe-lúi.
Chai-poê phín-chéng siu-kái
Phín-chéng chin chē, siōng phó͘-phiàn--ê ū ē-kha chit kúi chióng:
- Ko-lê-chhài (Capitata Group): Se-iûⁿ pe̍h-chhài (Eng-gí: cabbage)
- Keh-nâ-chhài (keh-nê-á, kài-nâ; Alboglabra Group): (Eng-gí: Chinese kale/Chinese broccoli)
- Hoe-chhài (Botrytis Group): (Eng-gí: cauliflower)
- Chheⁿ-hoe-chhài (Italica Group): (Eng-gí: broccoli)
- Chhài-khok/toā-thâu-chhài (Gongylodes Group): (Eng-gí: kohlrabi)