Lán-lâng ji̍t-siông só͘ kóng ê "ho͘-lú-bóng" ū-sî chí sèng ho͘-lú-bóng.

Ho͘-lú-bóng (Eng-gí: hormone) sī sin-thé lāi chi̍t pō͘-hūn sè-pau hun-pì ê chi̍t lūi hoà-ha̍k-mi̍h, ē éng-hióng kî-tha pō͘-ūi ê sè-pau. Kaⁿ-taⁿ chió liōng ê ho͘-lú-bóng tio̍h ē-sái kài-piàn sè-pau ê tāi-siā.

Ho͘-lú-bóng sī khì-koan kap cho͘-chit chi kan kau-thong ê hong-sek, ē-sái tiâu-chiat sin-thé seng-lí oa̍h-tāng, pau-koat siau-hòa, tāi-siā, ho͘-khip, kám-kak kap cheng-sîn téng-téng.

In chok-iōng ê goân-lí sī kap sè-pau tiong tek-sû ê nn̄g-pe̍h-chit ia̍h tio̍h sī chiap-siū-khì (receptor) sio chiap, kái-piàn sè-pau ê kong-lêng.