Iū-phài
Iū-phài ia̍h-sī iū-e̍k, sī chèng-tī-siōng chú-iàu khah chi-chhî siú-hō͘ thôan-thóng kè-ta̍t kap kôan-ui, keng-chè-siōng chú-tiuⁿ chū-iû keng-chè ê chi̍t-khoán li̍p-tiûⁿ.
Tī kin-sè ê chèng-tī sè-bīn tang-tiong, iū-phài it-poaⁿ sī kóng kok-chióng hóan-tùi kiōng-sán-chú-gī kap siā-hōe-chú-gī, tiōng bîn-cho̍k-chú-gī kap thôan-thóng ê li̍p-tiûⁿ, chhin-chhiūⁿ pó-siú-chú-gī kap chu-pún-chú-gī téng-téng. Tī chèng-tī sek-lia̍t lāi-bīn koh-ū tiong iū-phài kap hn̄g iū-phài.
Gí-goân siu-kái
"Iū-e̍k" siōng-chá sī tī Hoat-kok Kek-bēng sî-kî gī-hōe lāi-bīn chē tī gī-tiúⁿ chiàⁿ-pêng, chi-chhî kū thé-chè ê kùi-cho̍k téng-tē kap te-jī téng-tē.