Kleopatra 7-sè Ài-pē-chiá (Hi-lia̍p-gí: Κλεοπάτρα Θεἁ Φιλοπάτωρ; La-teng-gí: Cleopatra VII Philopator) (chêng 69 nî - chêng 30 nî 8 goe̍h 12 ji̍t) sī Ai-ki̍p Ptolemaios Ông-tiâu ê kun-chú, i sī siāng boé chi̍t-ê chheng chò Hoat-láu ê Ai-ki̍p thâu-lâng.

Berlin Phok-bu̍t-koán siu-chông ê Kleopatra 7-sè tiau-siōng.

Kleopatra pat kap Lô-má ê léng-tō-chiá Julius Caesar kiat-bêng lâi kióng-kò͘ ka-tī ê chèng-koân. Tī Caesar sí āu, i mā kap Marcus Antonius liân-ha̍p tùi-khòng ha̍p-hoat ê kè-sêng-chiá Gaius Julius Caesar Octavian (āu-lâi kiò Augustus). Tī Kleopatra sí āu, Ai-ki̍p chiâⁿ chò Lô-má ê hêng-séng.