Lâm-káng Nńg-thé Hn̂g-khu

Lâm-káng Nńg-thé Hn̂g-khu (南港軟體園區), kán-chheng Lâm-nńg, sī tī Tâi-oân Tāi-pak-chhī Lâm-káng-khu ê tì-sek-hêng kang-gia̍p hn̂g-khu. Sán-gia̍p í nńg-thé IC siat-kè, sò͘-ūi chhòng-ì, seng-bu̍t kho-ki kap bûn-hòa chhòng-ì téng tì-sek bi̍t-chi̍p sán-gia̍p ûi-chú, ún-chún chi-oān-sèng ho̍k-bū sán-gia̍p chìn-chù lâi oân-pī hn̂g-khu ê seng-oa̍h ki-lêng, pēng pó-liû ín-chìn sin-heng sán-gia̍p ê tân-sèng, í cheng-ka sán-gia̍p kēng-cheng-la̍t. Thàu-kòe hn̂g-khu chhiúⁿ-siong siōng-hā-iû sûi-ti̍t chéng-ha̍p, í-ki̍p chúi-pêng kau-liû, pēng kiat-ha̍p chèng-hú kap bîn-kan khì-gia̍p ê gián-hoat chu-goân kap chhòng-sin siat-kè, chhiok-chìn nńg-thé sán-gia̍p seng-kip, lâi ta̍t-sêng "A-thài Nńg-thé Tiong-sim" kap "Choân A-chiu Gián-hoat Chóng-pō͘" ê hn̂g-khu hoat-tián bo̍k-piau.

Lâm-káng Nńg-thé Hn̂g-khu tē-saⁿ kî tōa-lâu

Lâm-nńg chóng chiàm-tē 10 kong-khéng, tē-it kî 4.0335 kong-khéng, tē-jī kî 4.1764 kong-khéng, tē-saⁿ kî 2 kong-khéng chó-iū. Chêng nn̄g kî ê iōng-tē sī kok-êng khì-gia̍p Tâi-pûi Lâm-káng-chhiúⁿ ê kū-chí, āu-lâi keng-iû chèng-hú teng-siu liáu-āu choán chò lī-iōng.

Lâm-nńg tī 2015 nî chóng-kiōng ū 418 keng khì-gia̍p, oân-kang jîn-sò͘ tāi-iok 24,443 lâng, kui-nî êng-siu Sin-tâi-phiò 5,804-ek îⁿ. Kûn-chū hāu-ek m̄-nā êng-he̍k Eng-kok Keng-chè-ha̍k-jîn Tì-khò͘ EIU phêng-pí ûi A-chiu 4 tōa nńg-thé hn̂g-khu, hn̂g-khu chek-hāu piáu-hiān mā sī choân A-chiu tē-it.