Michael Jeffrey Jordan (1963 nî 2 goe̍h 17 ji̍t chhut-sì) sī Bí-kok ê chit-gia̍p nâ-kiû soán-chhiú. I tī 1980 nî-tāi kap 1990 nî-tāi chin chhut-thâu, sī Bí-kok siāng ū-miâ ê ūn-tōng bêng-seng chi it.

Michael Jordan (1997)

I tī 1984 nî ka-ji̍p NBA ê Chicago Bulls, the̍h tio̍h 1991 nî, 1992 nî kap 1993 nî ê koan-kun liáu-āu, tī 1994 nî thâu chi̍t pái thè-hiu, ka-ji̍p iá-kiû ūn-tōng. Jodan tī 1995 nî koh tó-tńg chham-ka Bulls, chài-tō͘ the̍h tio̍h 1996 nî, 1997 nî kap 1998 nî ê NBA koan-kun, kàu 1999 nî tē jī kái thè-hiu. I āu-lâi koh tī 2001 nî ka-ji̍p Washington Wizards chi̍t toāⁿ sî-kan.

I 2006 nî khai-sí chò kiû-tūi Charlotte Bobcats (āu-bé kái Charlotte Hornets) ê thâu-ke.