Pē-miâ

Pē-miâ sī kin-kù pē ê miâ hō--ê lâng-miâ. Kin-kù a-bú ê miâ hō--ê kiò chò bó-miâ. Tī chē-chē só͘-chāi, pē-miâ phēng sèⁿ khah chá tī-teh.

Au-chiu lâi kóng, hiān-chú-sî iáu ū Peng-tē-lâng teh iōng pē-miâ; ū sèⁿ ê lâng bô chē. Chhiūⁿ kóng Pétur Marteinsson ê hāu-seⁿ ê boé-miâ (last name) hō Pétursson (ì-sù sī "Pétur ê hāu-seⁿ"). Chin chē Eng-gí, Se-pan-gâ-gí, Pak-au, Celt, Slav ê sèⁿ goân-thâu sī pē-miâ, chhiūⁿ kóng Eng-gí Wilson (William ê hāu-seⁿ), Se-pan-gâ-gí Fernández (Fernando ê), Pak-au Carlsson (Carl ê hāu-seⁿ), Cymru-gí Powell (ap Hywel, Hywel ê hāu-seⁿ), Milošević (Miloš ê hāu-seⁿ).