Sir Ronald Aylmer Fisher, FRS (1890 nî 2 goe̍h 17 ji̍t - 1962 nî 7 goe̍h 29 ji̍t) sī Eng-lân ê thóng-kè-ha̍k-ka kiam seng-bu̍t-ha̍k-ka, i sī hiān-tāi thóng-kè-ha̍k ê khai-ki-chiá chi it.

Chhut-sin siu-kái

Ronald Fisher sī 1890 nî 2 goe̍h 17 chhut-sì--ê. I ū giâm-tiōng ê kīn-sī, siàu-liân-sî tha̍k Harrow Ha̍k-hāu (Harrow School) hit chūn, tiō hoat-tián chhut bô su-iàu chóa-pit lâi kái-koat sò͘-ha̍k būn-tê ê lêng-le̍k. 1909 nî, Fisher ji̍p Cambridge Tāi-ha̍k. Darwin ê lí-lūn tī hit chūn iáu bô siū tōa-hūn chiap-siū, chóng-sī Fisher oân-nā siū tio̍h chit-lō ha̍k-soat ê éng-hióng. Nā tông-sī tng hông têng-sin gián-kiù ê Mendel ûi-thoân-ha̍k, tùi Fisher ê éng-hióng sī koh khah chhim. Chit phài ê ha̍k-chiá chi it William Bateson tiō ùi Cambridge. M̄-nā gián-kiù ûi-thoân, Fisher mā tòe Karl Pearson o̍h thóng-kè-ha̍k.[1]

Gián-kiù siu-kái

Fisher ti 1927 nî ê thóng-kè-ha̍k tì-chok Gián-kiù Kang-chok-chiá ê Thóng-kè Hong-hoat (Statistical Methods for Research Workers) sī kho-ha̍k gián-kiù hong-hoat le̍k-sú siōng tiōng-iàu ê chok-phín, hit chūn i sòa pìⁿ chò sī thóng-kè-ha̍k ê sian-chìn.[1]

Chham-chiàu siu-kái

  1. 1.0 1.1 Stanley A. Rice (2007). "Fisher, R. A.". Encyclopedia of Evolution. Facts On File, Inc. ISBN 978-0-8160-5515-9.