Tō͘-chè

Tō͘-chè (度晬,tâi-lô "tōo-tsè"), sī Tang-a chi̍t-khoán eⁿ-á móa chi̍t-hòe sî-chūn chòe siⁿ-ji̍t ê hong-sio̍k.

Hân-kok cha-bó͘ eⁿ-á leh tō͘-chè

Hong-sio̍k

Tī hit-ji̍t, ka-têng tio̍h chún-pī seng-lé kah âng-ku-ké lâi chè-pài sîn-bêng kah chè-chó͘; mā-tio̍h pān-toh chhiáⁿ chhin-chiâⁿ pêng-iú. Eⁿ-á in a-bú gōa-ke tio̍h chún-pī "thâu-bé-lé" kah âng-ku-ké lâi khèng-chiok. Cha-bó͘ eⁿ-á it-poaⁿ kan-na siu "thâu-bé-lé", bô chòe tō͘-chè. Tī hit-ji̍t ka-têng mā ē chún-pī cha̍p-jī hāng kah chit-gia̍p siong-koan ê mi̍h-kiāⁿ, hē leh thai-á tiong hō͘ eⁿ-á soán-te̍k, lâi ū-chhek eⁿ-á bī-lâi ê chit-gia̍p.. Chit-khoán oa̍h-tāng, Hôa-gí kiò "抓周/試周/試兒/拿周", Hân-gí kiò "조주/돌잡이", Ji̍t-gí kiò "選び取り".

Eⁿ-á soán-te̍k kok-chióng mi̍h-kiāⁿ ê ì-gī

Chheh

Chiong-lâi ē-hiáu tha̍k-chheh, chòe ha̍k-chiá/choan-ka

Pit/ba̍k

Chok-chiá/Ōe-ka

Ìn-á

Ē chòe koaⁿ

Sǹg-pôaⁿ/kè-sǹg-ki

Ē chòe seng-lí, a̍h-sī kòe-kè

Chîⁿ/gûn-hâng-khah

Ē chin ū-chîⁿ; Kim-iông hâng-gia̍p

Ke-thúi

Ū hok-khì

Chhioh

Ē chòe siat-kè-su/kiàn-tio̍k-su

Chhang

Chhong-bêng

Sǹg

Ē-hiáu kè-sǹg

Khûn-chhài

Ē khûn-lô kut-la̍t

To/kiàm

Ē chòe kun-jîn/kéng-chhat

Thiaⁿ-tâng

I-seng/hō͘-sū

Ka-to

Chhâi-hông