Thó-lūn:Chheng-kok
清朝 siu-kái
清朝,閣號大清,後期嘛號大清帝國,是佇1644年到1911年統治差不多現此時中國區域的帝國,佇史上的中國歷史冊內底,是上尾一个朝代。
清朝的統治者是滿族的愛新覺羅氏,1616年努爾哈赤建立王國,國名號做大金,1636年努爾哈赤的後生皇太極共國名改做大清,坐位做皇帝。
1644年李自成率領的農民軍隊拍入去北京,大明帝國皇帝崇禎自殺,李自成起國號做大順。
後來大清帝國說服大明帝國的將軍吳三桂,伊𤆬清國的軍隊入來萬里長城內底,閣拍贏李自成,了後多爾袞共清國的順治皇帝接來佇北京,北京成做大清帝國新的首都。
1911年發生辛亥革命,帝國內底的逐省長長短短宣布獨立,帝國皇帝溥儀佇1912年落台,大清帝國choaⁿ仔 滅亡,連大金國計共有十三个皇帝,攏總二百九十七冬。