Tiān-chhia-lâm

Tiān-chhia-lâm (電車男, Densya Otoko) sī 1 tīn bāng-iú tī Ji̍t-pún BBS bāng-chām 2channel téng-koân ê tùi-ōe chiâⁿ-chò ê kò·-sū, āu--lâi hông chi̍p chò chheh chhut-pán (2004), koh-ū kái-pian chò tiān-iáⁿ (2005), tiān-sī liân-sio̍k-kio̍k (2005), ang-á-chheh, bú-tâi-ke̍k, téng-téng.

Kò͘-sū

Ke̍k-chêng tiah-iàu: 2004 nî 3-goe̍h chhe-4 hit àm ū 1-ê bāng-iú tī 2channel ê "tan-sin cha-po͘" BBS lâu-oē, kóng i chē tiān-chhia ê sî-chūn, kā 1-ê kap cha-bó͘ káu-soa ê chiú-kúi koáⁿ-cháu. I āu--lâi iōng "Tiān-chhia-lâm" chit-ê pit-miâ kā sū-kiāⁿ sí-boa̍t hoat-piáu toà BBS téng-koân. Kòe kúi-ā-kang hit-ê cha-bó͘-lâng siá phoe kā i soeh-siā, pēng-chhiáⁿ sàng i 1-tùi Hermès-pâi ê au-á. Bāng-iú choâⁿ-á kā i hō-chò "Hermès Sió-chiá". Chit-ê Tiān-chhia-lâm in-ūi sī piau-chún ê otaku sèng-keh, bô siōng-pan ê sî-chūn lóng teh se̍h Akihabara ê Tiān-khì-ke iah-sī siáu bàng-gah-chhut, chū án-ne bē-hiáu tùi hit-ê cha-bó͘ piáu-sī ì-ài. Ko͘-put-chiong i khí-khì BBS thó-kiù-peng, chiòng bāng-iú hó-sim kā i tàu siūⁿ pō͘ kiam kó͘-lē i. Kàu-kah 5-goe̍h chhe-9 i tiàm BBS téng-thâu soan-pò͘ sêng-kong kau tio̍h Hermès Sió-chiá.

Kak-sek

Tī tiān-sī liân-sio̍k-kio̍k pán, Tiān-chhia-lâm hō-chò Yamada Tuyosi (山田剛司, Itô Atusi ián), i ê tui-kiû tùi-siōng hō-chò Aoyama Saori (青山沙織, Ito Misaki ián).

Siong-koan bûn-chiuⁿ

• Otaku

Goā-pō͘ liân-kiat

• 電車男 (BBS tùi-oē)
• Eng-gí hoan-e̍k Archived 2006-12-05 at the Wayback Machine. (boē oân-sêng)
• Tiān-iáⁿ Archived 2006-02-02 at the Wayback Machine.
• Liân-sio̍k-kio̍k
• Bú-tâi-ke̍k Archived 2006-02-03 at the Wayback Machine.