Tiong-kok Kiōng-sán-tóng tē 2 chhù Choân-kok Tāi-piáu Tāi-hoē

Tiong-kok Kiōng-sán-tóng tē 2 chhù Choân-kok Tāi-piáu Tāi-hoē, kám-chheng kiò chò Tiong Kiōng 2 Tāi, sī Tiong-kok Kiōng-sán-tóng tī 1922 nî 7 goe̍h 16 ji̍t kàu 7 goe̍h 23 ji̍t tī Siōng-hái khui ê Choân-kok Tāi-piáu Tāi-hoē. Khui-hoē ê tāi-piáu ū 12 lâng, pau-koat: Tân To̍k-siù, Tiuⁿ Kok-tô, Lí Ta̍t, Iûⁿ Bêng-chai, Lô Chiong-liông, Ông Chīn-bí, Khó͘ Pe̍k-hō, Mô͘ Te̍k-tong, Chhoà Hô-sim, Thâm Pêng-san, Lí Chìn-êng kap Si Chûn-thóng.