Toā-ki (hàn-jī: 大支, pún-miâ Chan Koàn-iông 曾冠榕, 1969 nî chó-iū chhut-sì), Tâi-oân ê 1 ê hip hop gē-su̍t-ka. I ê Hō-ló-oē rap te̍k-pia̍t chhut-miâ. I ê tē-1-tiuⁿ koh-jîn choan-chipSia̍t-chhàn-liân-hoe (舌粲蓮花, 2002); khek-poâⁿ kong-si soan-thoân sī Hoâ-jîn sè-kài thâu-1-tiuⁿ rap ê choan-chip. I bat hām MC HotDog ha̍p-chok.

It-poaⁿ lâng tùi i hit tè siau-lō· kài hó ê single, "Tâi-oân Sóng" te̍k-pia̍t ū ìn-sióng. Chit tiâu koa piáu-hiān chhut 1 chióng "ū chū-sìn ê Tâi-oân jīn-tông". Koa miâ kiám-chhái sī siang-koan-gí, tî-liáu ū "thiòng" ê ì-sù, im iū-koh sêng Hôa-gí siōng (頌, Hàn-gú Pheng-im: sòng), só·-í mā ū "ko-siōng", "o-ló" ê ì-bī.

2004 nî 3-goe̍h 8 hit kî ê A-chiu pán TIME cha̍p-chì kóng i siá--ê sī "chàn-siaⁿ Tâi-oân ê rap", jīn-ûi i tī 2004 nî Tâi-oân chóng-thóng soán-kí pān "Bîn-chìn-tóng lâm-pō· chheng-liân phiò ê bīn-chhiuⁿ (poster boy)" [1] Archived 2004-08-13 at the Wayback Machine..

Pōe-kéng siu-kái

Chhù-lāi a-pa sī chò kèng-chhat, ma-ma sī tī sió-ha̍k teh chò im-ga̍k lāu-su. Ē-kha ū chi̍t ê sió-tī, bé-á tòe in lāu-pē, mā khó tiâu chò kèng-chhat. In-ūi lāu-pē ê koan-hē, Tōa-ki chū-sè-hàn tō chiap-chhiok jiû-tō, pí-sài ê sêng-chek lóng bē-bái, bé-á mā in-ūi chi̍t hāng ūn-tōng pó-sàng ha̍k-hāu. Khó-sioh ê sī, āu-lâi ì-gōa siū-siong, siong tio̍h kha ê kin-té, bô-hoat kè-siok pí-sài. Thoat-lī jiû-tō ê Tōa-ki, chū Tâi-pak Thé-īⁿ (chit-má ê Tâi-pak Chhī-li̍p Tāi-ha̍k) pit-gia̍p, khai-sí tâu-ji̍p rap (o͘-lâng liām-koa), tû-liáu ka-kī siá koa, chhòng-chō chi-gōa, mā it-sim siūⁿ-beh tī Tâi-oân chhui-sak hip-hop ê bûn-hòa, tī kò͘-hiong Tâi-lâm sêng-li̍p "Lâng-lâng Iú-kang-liān," sī chit-má Tâi-oân siōng tiōng-iàu ê hip-hop chhiúⁿ-pâi/thoân-thé chi-it.

Siāu-kài siu-kái

Tōa-ki sī Tâi-oân siōng-kài ū-miâ ê o͘-lâng liām-koa koa-chhiú, mā-sī tī Tâi-oân ûi-it bat hō͘-lâng khan tī Bí-kok "Sî-tāi Cha̍p-chì" lāi-té ê liām-koa koa-chhiú. Jî-chhiáⁿ, i mā bat siū kî-thaⁿ kok-chè mûi-thé hóng-mn̄g, pí-lūn-kóng Bí-kok ê CNN, Eng-kok ê Lú-toh (Reuters) kap Sî-tāi pò (The Times), Hoat-kok ê AFP, Tek-kok ê Lâm Tek Pò (Süddeutsche Zeitung), chia-ê mûi-thé lóng bat pò kòe i ê sin-bûn.

Goā-pō· liân-kiat siu-kái