Ôtuka Ai

Ōtsuka Ai (大塚 愛; 1982 nî 9 goe̍h 9 ji̍t chhut-sì ), Bân-lâm-gí tha̍k-tsheh-im Tāi-thióng Ài, Ji̍t-pún tsa-bóo kua-tshiú, Avex ê tshiam-iok gē-jîn. Otsuka tī Tāi-pán-hú Tāi-pán-tshī tshut-sì, hām Hamasaki Ayumi kah Kōda Kumi sann lâng sī Avex ê tāi-piáu kua-tshenn. Otsuka sī tshòng-tsok kua-tshiú, i--ê hong-keh sio̍k-î káu-kuài kah khai-lóng, tān-sī mā ū tsin tsē su-tsîng kua-khik, suân-lu̍t ū ga̍k-thuân ê kám-kak. Otsuka tuì tē 2 tiunn tuann-khik Sakuranbo (さくらんぼ) khai-sí ū-miâ, tsit siú tuann-khik tong-sî bat liân-sio̍k 103 tsiu lóng thîng-liû tī Oricon tuann-khik tsiu pâi-hâng thâu 200 miâ; i mā in-uī án-ne, jîn-khì sī jú lâi jú kuân. Otsuka ê tāi-piáu-tsok ū Sakuranbo, Happy Days, Kingyo Hanabi (金魚花火), Smily/Bīdama (Smily/ビー玉), Planetarium (プラネタリウム), Ren'ai Shashin (恋愛写真), kah Chu-Lip (チューリップ). Otsuka tī 2010 nî kiat-hun, kè hōo SU (大槻 一人), ū tsi̍t ê tsa-bóo-kiánn.

Ji̍t-bûn siá-hoat
Ji̍t-bûn	大塚 愛
Kana	おおつか あい
Hepburn-sek Lô-má-jī	Ōtsuka Ai

Tsok-phín

Tsuan-tsi̍p

• Love Punch (2004)
• Love Jam (2004)
• Love Cook (2005)
• Love Piece (2007)
• Love Letter (2008)
• Aio Punch (2014)
• Love Fantastic (2014)

Tsing-suán

• Ai am Best (2007)
• Love is Best (2009)