Thó-lūn:Chu-pún-chú-gī

資本主義

資本主義是經濟的一款結構抑是講系統，這款結果是一種取資本的流動做基本原理的制度，頭前講的資本，是指佇社會投入貨幣，遮的貨幣經過佇社會裡流動了後，投資者通收著比投入閣較濟的貨幣，若遮的貨幣(錢)，就是一般所講的資本。

法國革命彼站仔，濟濟人對社會經濟的大發展開始有愈來愈深沉的思考，牽涉著產業革命的推展， 經過18~19世紀了後確定落來的大量生產的款式，佮生產和經濟體系改移，造成的新的散凶(佮洘旱、飢荒佮疫病等等天災無底代的，社會結構所致的慘慼)，真濟人有做研究，並且對社會活動的實際現象提出說明，這內底卡爾馬克斯(Karl Marx)佇19世紀中期，踮伊的著作資本論裡，是共資本主義定義做"生產手路集中佇少數資本家手裡，另外有大多數的勞動者，除去出賣家己的勞動力，無別項生活方式的生產款式"。

資本主義本身，佇無仝的學科、學者佮學派內底，甚至佇普通民眾的話語中間，定定有定義頂懸蓋大的精差佇咧，這是咱咧使用這个詞的時陣，定著愛細膩的所在。