Ko-kip Sim-chōng Kiù-miā-su̍t

Ko-kip Sim-chōng Kiù-miā-su̍t (ACLS, Advanced Cardiac Life Support) sī 1 thò ūi sim-chōng tòng-tiāⁿ (cardiac arrest) téng-téng ū sèⁿ-miā gûi-hiám ê i-liâu kip-chèng chò kín-kip tī-liâu ê lîm-chhn̂g pō͘-sò͘, pau-hâm chìn-hêng ê sî ài ū ê chai-bat kap ki-su̍t. Beh cheng-thong ACLS tiāⁿ-tio̍h ài ū i-ha̍k tì-sek kap keng-koè giâm-keh ê si̍t-chāi hùn-liān kiam liān-si̍p. Kan-taⁿ i-liâu thê-kiong-chiá (chhiūⁿ kóng i-seng, hō͘-sū, ho͘-khip tī-liâu-su) ē-tàng thê-kiong ACLS. ACLS ê bo̍k-phiau pau-hâm hoa̍t-lo̍h hoān-chiá ê ho͘-khip-tō (airway), khak-tēng ū IV access, tha̍k sim-tiān-tô͘, èng-iōng kín-kip io̍h-ha̍k.