?Bé-oaⁿ-tîn
Bé-oaⁿ-tîn ê hoe
Seng-bu̍t-ha̍k hun-lūi
Kài: Plantae
Mn̂g: Magnoliophyta
Kong: Magnoliopsida
Bo̍k: Solanales
Kho: Convolvulaceae
Sio̍k: Ipomoea
Chéng: I. pes-caprae
Ha̍k-miâ
Ipomoea pes-caprae
(L.) R.Br., 1818

Bé-oaⁿ-tîn (Hàn-jī: 馬鞍藤; Eng-gí: Seahore vine morning glory; ha̍k-miâ: Ipomoea pes-caprae) mā kiò-chò bé-oaⁿ-chháu, hāu-tîn, he̍k hāu-chhì, kui-sio̍k-tī Soân-hoe-kho, Tâi-oân goân-seng-chéng, sī to-nî-seng, phih-phak-sèng bo̍k-chit tîn-pún si̍t-bu̍t.

I kah-ì kui-kang ū ji̍t ê só͘-chāi, hun-pò͘ tī hái-piⁿ tē-khu, soa-pō͘ kap san-ô͘-chiau lóng-ū, ū-sî mā-ē chhut-hiān tī pêⁿ-tē chheⁿ-po͘. I kui-tang khui-hoe, m̄-koh pa̍k-pō͘ koâⁿ-thiⁿ sî bē khui-hoe. I tī soa-po͘ ē-sái kò͘-tēng hái-soa, ū liông-hó ê tēng-soa lêng-le̍k.

Hêng-thài siu-kái

Keng kim-ku̍t kng-seⁿ, sì-kè sô tn̂g-lò-lò, chat kan seⁿ-chhut put-tēng-kin.

Hio̍h-á tan-hio̍h hō͘-seng, kek-chit (革質), seⁿ tio̍h chhiūⁿ bé-oaⁿ, hio̍h-pèⁿ tām-po̍h-á âng-sek.

Hoe hó-chhin-chhiūⁿ lāu-á, hún-âng-sek, hoe-lāu-á lāi-bīn chí-âng-sek; ti̍t-kèng siāng-toā ē-sái ta̍t-kàu 65 mm; chū-sàn-hoe-sū (聚繖花序), ùi hio̍h-pèⁿ hun-ki hia hoat--chhut-lâi.

Kóe-chísok-kó (蒴果), chhiūⁿ kiû-hêng.