Bîn-chú-tóng Choân-kok Úi-oân-hōe
Bîn-chú-tóng Choân-kok Úi-oân-hōe (民主黨全國委員會 / Democratic National Committee; DNC) sī Bí-kok Bîn-chú-tóng ê chèng-sek koán-lí ki-kò͘, hū-chek ūi choân-kok kok-chiu ê tē-hng kap choân-kok soán-kí ê hāu-soán-jîn hia̍p-tiau kēng-soán chhek-lio̍k. I múi sì-nî cho͘-chit chi̍t pái Bîn-chú-tóng Choân-kok Tāi-piáu Tāi-hōe lâi khak-tēng tóng-lāi ê chóng-thóng soán-kí thê-miâ, í-ki̍p chè-tēng Bí-kok Bîn-chú-tóng ê chèng-kang. Sui-jiân i chi-oān tóng-lāi ê hāu-soán-jîn, tan-sī i tùi tòng-soán-jîn pēng-bô koán-lí-koân. Úi-oân-hōe iû choân-kok kok-chiu Bîn-chú-tóng hun-pō͘ ê chú-se̍k kap hù-chú-se̍k, í-ki̍p tī choân-kok 50 ê chiu kap hù-sio̍k tē-khu soán-chhut ê 200 ūi tóng-oân lâi chó͘-sêng; i-ê chú-se̍k iû choân-thé úi-oân-hōe sêng-oân soán-chhut. I mā ē kí-hêng tiû-khoán lâi chi-chhî i-ê oa̍h-tāng.
