Bô-bí-lo̍k
Bô-bí-lo̍k (Hàn-jī: 無米樂), Tâi-oân 2004 nî kì-lo̍k-phìⁿ, koan-hē Tâi-lâm Āu-piah-hiong Chheⁿ-liâu-chhoan (taⁿ Āu-piah-khu Chheⁿ-liâu-lí) 4-ê lāu choh-sit-lâng ê kò·-sū. Phìⁿ-tn̂g: 112 hun-cheng. Tō-ián Gân Lân-koân (顏蘭權, Tē-tāng Kì-liām-chheh), Chng Ek-cheng (莊益增). Tit-tio̍h tē-4-kài ê Tâi-oân Kok-chè Kì-lo̍k-phìⁿ Siang-liân-tián Tâi-oân-chióng.
2004 nî 9 goe̍h pān kòe chhì-khoàⁿ-hōe, 9 goe̍h kap 10 goe̍h hun 2 pái tiàm Kong-kiōng Tiān-sī hòng-sàng. Keh-tńg-nî 5-goe̍h 20 khai-sí tiàm Tâi-pak, Tâi-tiong, Tâi-lâm kap Ko-hiông 5 keng hì-īⁿ chiūⁿ-ián, sī Tâi-oân chió-sò· bat tī tōa hì-īⁿ poaⁿ ê kì-lo̍k-phìⁿ. Tâi-lâm-koān-chéng-hú lī-iōng chit-ê ki-hōe ho·-iok siā-hōe "chia̍h Tâi-oân bí", te̍k-pia̍t sī Tâi-lâm chhut-sán ê lông-sán-phín.
Bô-bí-lo̍k ín-khí siā-hōe thó-lūn Tâi-oân ka-ji̍p Sè-kài Bō·-e̍k Cho·-chit (WTO) tú--tio̍h ê būn-tê.
Gōa-pō· liân-kiat siu-kái
- Bô-bí-lo̍k Archived 2005-06-07 at the Wayback Machine. (koaⁿ-hong chām)
- Han-chî-tîn choan-chi̍p
- Iáⁿ-phêng