Chhùi-khiuⁿ oē-seng
Chhùi-khiuⁿ ōe-seng (oral hygiene) kán-tan kóng tio̍h-sī chhùi-lāi pó-chhî chheng-khì. Khí-khiuⁿ ōe-seng hun-chò kò-jîn ta̍k-kang kap khí-kho tēng-kî 2 hong-bīn. Kò-jîn ta̍k-kang chò-hó chhùi-khiuⁿ ōe-seng sī ī-hông chiù-khí, khí-hōaⁿ-iām, khí-chiu-iām, kap kî-thaⁿ chhùi-khí chit-pēⁿ siāng-hó ê mê-kak. I mā ē-tàng ī-hông chhùi-chhàu (halitosis). Chhùi-khiuⁿ ōe-seng sī ta̍k-ê-lâng ta̍k-kang ài-chò ê khang-khòe. Ū hāu-lu̍t ê chhùi-khiuⁿ ōe-seng khì-tû chhùi-khí piáu-bīn ê khí-khún-pan hō· lán ū kiàn-khong ê chhùi-khí kap khí-hōaⁿ.
Kò-jîn ê khang-khòe
siu-káiSiāng-tiōng-iáu ê ke-si:
- Khí-bín kap khí-sòaⁿ: Hó-liâu-á ū khí-bín lù-chhùi-khí kap ū khí-sòaⁿ chheng chhùi-khí-phāng phang-chān khì-tû khí-khún-pan kap ī-hông khí-tái ê seⁿ-sêng. Phó-thong lâi-kóng, ta̍k-ê-lâng ta̍k-kang ài sé 1-kái chhùi-khí, kap sú-iōng 1-kái khí-sòaⁿ. Te̍k-sû ê chêng-hêng pí-jû chò chhùi-khí kiáu-chèng ê lâng ta̍k-kái chia̍h mi̍h-kiāⁿ tio̍h-ài liâm-mi sé-chhùi kap sú-iōng khí-sòaⁿ. Ká-sú m̄-chāi án-chóaⁿ sé-chhùi kap sú-iōng khí-sòaⁿ, tio̍h-ài chhéng-kàu gê-i-su.
Kî-thaⁿ hú-chō· ê ke-si:
- Khí-thok: Ē-sái î-tû chhùi-khí-phāng ê chhài-iù-á kap bah-iù-á.
- Tiān-tōng khí-bín: Sek-ha̍p chhiú-pō· bô lī-piān ê lâng.
- Chhùi-khí chúi-chhiâⁿ (water irrigation): Thâu-seng lâi chang-cháu pn̄g-chhài-iù-á.
- Hâm-fluoride ê lo̍k-chhùi-chúi he̍k khí-ko: Ē-sái tn̂g-kî sú-iōng lâi kiám-chió chiù-khí ê ki-lu̍t.
- Hâm sat-khún he̍k ek-khún seng-hun ê lo̍k-chhùi-chúi: Tī gî-i-su chí-tō chi-hā té-kî sú-iōng, ē-tàng kiám-chió khí-khún-pan ê seⁿ-sêng.
- Tùi-khòng chhùi-khí sng-nńg ê khí-ko
- I-poaⁿ sêng-hun ê khí-ko
Lēng-gōa ài chù-ì ê tāi-chì: Oa̍h-chô ké-chhùikhí, khí-lia̍t kiáu-chèng ê oa̍h-tōng chong-tī (removable appliance) mā-ài ta̍k-kang iōng khí-bín kah chheng-chúi (m̄-bián khí-ko) lù hō· chheng-khí, kú-kú-á iōng chheng-kiat-chē chheng-kiat 1--ê.
Khí-kho ê chiàu-kò·
siu-káiKò-jîn ê ōe-seng khang-khòe chò-liáu ū làu-kau ê só·-chāi, kú-á tio̍h-ē seⁿ-chhut khí-tái, sīm-chí chiù-khí kap khí-chiu-pēⁿ. Tēng-kî khì gê-i-su hia chò kiám-cha, ē-tàng thê-chá chhōe-chhut kap kái-koat būn-tê. Choan-gia̍p ê khí-kho siāng ki-pún pau-koah ū chhiau-im-pho sé-khí-ki khe-tû khí-tái, [chiù-khí thiⁿ-pó·]], kin-kńg tī-liâu, chiù-khí bán-tû téng-téng.