Citrus
Citrus (シトラス, Shitorasu) sī Saburôta ê pek-ha̍p loân-ài bàng-gah, tī It-sìn-siā (一迅社) ê Comic Pek-ha̍p Ki ùi 2013 nî 1 goe̍h hō khai-sí liân-chài. Kái-pian--ê tiān-sī tōng-oē tī 2018 nî 1 goe̍h khí khai-sí hòng-sàng.
| Citrus | |
|---|---|
 | |
| シトラス | |
| Citrus | |
| Kana | シトラス |
| Lô-má-jī | Shitorasu |
| Lūi-hêng | Lô-bān-sú, Pek-ha̍p |
| Bàng-gah | |
| Chok-chiá | Saburouta |
| Chhut-pán | It-sìn-siā |
| Imprint | Yuri Hime Comics |
| Cha̍p-chì | Comic Pek-ha̍p Ki |
| Original run | November 17, 2012 – present |
| Volumes | 5 |
| Pang-bô͘ soat-bêng | |
Kò͘-sū
siu-káiChāi-lâi m̄-bat loân-ài ê cha-bó͘ ko-tiong-seⁿ Lâm-goân Iū-chú in-ùi a-bú chài-hun, soán-kàu chi̍t-keng lú-chú ko-tiong. Tī hia, i tú-tio̍h hia ê ha̍k-seⁿ-hoē-tiúⁿ Gâ-i, soà m̄-chai, i tio̍h sī Iū-chú sin ê sió-moē, jī-chhiáⁿ in ài khùn kâng-chi̍t-keng pâng-keng. Kò͘-sū tio̍h sī chit 2-ê cha-bó͘-gín-á sī án-noá jú lâi jú oá, siōng-boé hoat-kak pí-chhú ê kám-chêng.
Jîn-bu̍t
siu-kái- Lâm-goân Iū-chú (藍原 柚子 Aihara Yuzu)
- Phoè-im-oân: Tiok-ta̍t Chhái-nāi (竹達彩奈, Taketatsu Ayana)
- Chú-kak. 8 goe̍h 8 ji̍t chhut-sì. Ùi a-bú chài-hun ê chhiu-thiⁿ choán-ha̍k kàu Lâm-goân Ha̍k-oân ê 1 nî A pan.
- I kā thâu-mo͘ ní chó ka-pi-sek. Sui-jiân khoàⁿ--khì-lâi chin iau-kiau, m̄-kuh m̄-bat loân-ài. Choán-khió sin ê ha̍k-hāu mā m̄ kái-piān i ê chēng-chhah. Sui-jiân kap iap-thiap ê o͘-niau Kok-kháu Chêng-bí chin tàu-tah, tān-sī kap ki-thaⁿ ê tông-o̍h lóng bô goā hó.
- Lâm-goân Gâ-i (藍原 芽衣 Aihara Mei)
- Phoè-im-oân: Chin-tiân Bí-pho (津田美波, Tsuda Minami)
- Lēng-goā chi̍t-ê chú-kak. 9 goe̍h 13 ji̍t chhut-sì. Lí-sū-tiúⁿ ê cha-bó͘-sun, koh chi̍t-nî-á tio̍h chò ha̍k-seⁿ-hoē-tiúⁿ.
- Thâu-mo͘ o͘ koh tn̂g, ho͘ lâng kám-kak chiaⁿ ko͘-sng. Chin gâu tha̍k cheh, tiaⁿ-tiaⁿ hō͘ in tông-o̍h ûi--leh. Mā chin tit hak-seⁿ-hoē ê lâng ê sìn-khò.
- Kok-khió Chêng-bí (谷口 はるみ Taniguti Harumi)
- Phoè-im-oân: Têng-chéng Hēng-tāi (藤井ゆきよ, Fujii Yukiyo)
- Iū-chú ê tông-o̍h, ko-tiong chiah lâi chit-keng ha̍k-hāu.
- I kā ti̍t thâu-mo͘ pa̍k chò nn̄g-pêng. Tī ha̍k-hāu ê sî kah siú-kui-kí, chāi-goā ê sî mā kap Iū-chú kāng-koán chng kah súi-súi.
- Thô-bo̍k-iá Ki-chú (桃木野 姫子 Momokino Himeko)
- Phoè-im-oân: Kiú-pó Pe̍k-ha̍p-hoa (久保ユリカ, Kubo Yurika)
- Gâ-i ê tiok-má-chi-iú, ha̍k-seⁿ-hoē ê hù-hoē-tiúⁿ.
- Súi-te̍k Ba̍k-nī (水沢 まつり Mizusawa Maturi)
- Phoè-im-oân: Khut-iá Sa-iá-ka (堀野紗也加, Horino Sayaka)
- Iū-chú ê tiok-má-chi-iú. Kok-tiong 2 nî-kip. Lâu kah keng-kah ê thâu-mo͘ hō i ní chó chhián-sek.
Chhut-pán ê chheh
siu-kái| Chi̍p-sò͘ |  Ji̍t-pún It-sìn-siā
|
 Tâi-oân Tong-li̍p Chhut-pán-siā
| ||
|---|---|---|---|---|
| Hoat-siū Ji̍t-kî | ISBN | Hoat-siū Ji̍t-kî | ISBN | |
| 1 | 2013 nî 8-goe̍h 1-ji̍t | ISBN-978-4-7580-7264-9 | 2015 nî 3-goe̍h 6-ji̍t | ISBN-978-986-382-506-7 |
| 2 | 2014 nî 4-goe̍h 1-ji̍t | ISBN-978-4-7580-7297-7 | 2015 nî 7-goe̍h 7-ji̍t | ISBN-978-986-382-507-4 |
| 3 | 2014 nî 12-goe̍h 1-ji̍t | ISBN-978-4-7580-7372-1 | 2016 nî 1-goe̍h 28-ji̍t | ISBN-978-986-382-508-1 |
| 4 | 2015 nî 8-goe̍h 1-ji̍t | ISBN-978-4-7580-7449-0 | 2016 nî 5-goe̍h 24-ji̍t | ISBN-978-986-431-879-7 |
| 5 | 2016 nî 5-goe̍h 18-ji̍t | ISBN-978-4-7580-7540-4 | ||
Goā-pō͘ Liân-kiat
siu-kái- (Ji̍t-pún-gí)citrus(ピクシブ百科事典)
- (Ji̍t-pún-gí)It-sìn-siā WEB bàng-gah Pek-ha̍p-ki