IU (koa-chhiú)

(Tùi IU (koachhiú) choán--lâi)

IU (Hân-kok-gí: 아이유 Aiyu; 1993 nî 5 goe̍h 16 ji̍t chhut-sì ), pún-miâ hō-chò Lee Ji-eun (Hân-kok-gí: 이지은/李知恩 Lí Ti-un), sī Hân-kok ê cha-bó͘ chhòng-chok koa-chhiú kiam ián-oân. Tiong-ha̍k sî-kî, IU hoat-hiān ka-kī tùi chhiùⁿ-koa ê jia̍t-chêng, só͘-í chham-ka keng-kí kong-si ê soán-poa̍t, lo̍h-bóe tī 2007 nî hām LOEN Entertainment chhiam-io̍k. Tē-jī tang, 15 hòe ê IU hoat-hêng tē-1 tiuⁿ ep Lost and Found, khai-sí koa-chhiú ê seng-gâi. Āu-lâi hoat-hêng ê Growing Up kap iu...im hō͘ i-ê ti-bêng-tō͘ chiām-chiām tiòng-koân. Chin-chiàⁿ hō͘ IU tī Hân-kok kok-lāi toā chhut-miâ sī i tī 2010 nî hoat-hêng ê choan-chi̍p Real ê chú-táⁿ kok-khek Good Day (좋은 날).

IU

Goā-pō͘ liân-kiat siu-kái