Ia̍p Se̍k-tô͘ (葉石濤; 1925 nî 11 goe̍h 1 ji̍t – 2008 nî 12 goe̍h 11 ji̍t), Tâi-oân Tâi-lâm-chhī chhut-sin. I sī Tâi-oân tong-tāi bûn-ha̍k chok-ka, chhòng-chok í sió-soat kap phêng-lūn ûi-chú, iā chò chi̍t-kóa sàn-bûn kap hoan-e̍k. Ia̍p Se̍k-tô͘ hāⁿ kòe Ji̍t-pún kap Chiàn-āu nn̄g ê sè-tāi, ji̍p kok-bîn ha̍k-hāu chêng bat chiap-siū hàn-bûn su-sio̍k-á kàu-io̍k, lo̍h-bóe ùi Tâi-lâm Chiu-li̍p Tē-jī Tiong-ha̍k-hāu (taⁿ Tâi-lâm It-tiong) pit-gia̍p. I bat chò kòe iû Ji̍t-pún chok-ka Nisikawa Mituru chú-chhî ê Bûn-gē Tâi-oân ê pian-chi̍p. Chiàn-āu tam-jīm kok-sió kàu-su 46 tang. 1965 nî bat sî kàu-chit, chìn-ji̍p Séng-li̍p Tâi-lâm Su-hoān Choan-kho Ha̍k-hāu Te̍k-pia̍t Su-hoān-kho chiū-tho̍k.

Ia̍p Se̍k-tô͘ khah-chá tòa ê chhù