Kàu-hoē Chū-hoē-só͘

Kàu-hoē Chū-hoē-só͘ (教會聚會所), mā ū hō Tē-hng kàu-hōe (地方教會), Tiàu-hōe (召會), he̍k-chiá Chú ê khoe-ho̍k (主的恢復), sī Gê Thok-seng chham Lí Siông-siū chhōa-thâu ê chi̍t-ê Ki-tok-kàu ūn-tōng, in jīn-ûi án-ne ē-tàng khoe-ho̍k sèng-keng lāi-bīn ê kàu-hōe hêng-sek, ia̍h tio̍h-sī chi̍t-ê só͘-chāi chi̍t-ê kàu-hōe, jî-chhiáⁿ iōng tē-hng ê tē-mîa lâi hō mîa, m̄-sī iōng kàu-phài ê mîa. In-ūi chú-tiuⁿ khoe-ho̍k sèng-keng lāi-bīn ê kàu-hōe, tiàu-hōe bô kòe Sèng-tàn-chiat, bô phòe si̍p-jī-kè.

Tâi-tiong-chhī Tiàu-hōe.

Chū-hoē-só͘tha̍k ê Sèng-keng sī khoe-ho̍k-pún (恢復本), ū chi̍t-kóa giân-sû ê hoan-e̍k kap thôan-thóng ê hô-ha̍p-pún (和合本) bô-kāng-khóan, chhan-chhiūⁿ in jīn-ûi "tiàu-hōe" khah sī chi̍t-ê kàu-hōe chèng-khak ê (Hàn-bûn) mîa, jî-chhiáⁿ jīn-ûi "Sîn" (神) sī pí "Siōng-tè" (上帝) khah chèng-khak ê hoan-e̍k.