Ka-lông (tiān-iáⁿ)

Ka-lông (嘉農; KANO, Ji̍t-gí Hùn-lēng-sek Lô-má-jī: Kanô) sī chi̍t-chhut kòng-kiû pí-sài ê tiān-iáⁿ. Ián Tâi-oân tī Ji̍t-pún sî-tāi ê Tâi-lâm Chiu-li̍p Ka-gī Lông-lîm ha̍k-hāu(嘉義農林學校) in ê iá-kiû-tūi. Ùi bah-kha kiû-tūi hùn-liān kàu tāi-piáu Tâi-oân khì Ji̍t-pún Kah-chí-hn̂g(Koshien) pí-sài tio̍h tē-jī-miâ ê kò͘-sū.

Tiān-iáⁿ ê tō-ián sī Má Chì-siâng(馬志翔, Umin Boya). Kàm-chè ū N̂g Chì-bêng(黃志明) kah Gūi Tek-sèng(魏德聖).