Ko-hiông Chhī-li̍p Ko-hiông Ko-kip Tiong-ha̍k
Tâi-oân Ko-hiông-chhī Sam-bîn-khu ê chi̍t-keng chhī-li̍p ko-kip tiong-ha̍k
(Tùi Ko-hiông Tiong-ha̍k choán--lâi)
Ko-hiông Chhī-li̍p Ko-hiông Ko-kip Tiong-ha̍k (高雄市立高雄高級中學), kán-chheng Ko-hiông Tiong-ha̍k (高雄中學) ia̍h-sī Hiông-tiong (雄中), sī chi̍t keng tiàm tī Tâi-oân Ko-hiông-chhī ê kong-li̍p ko-tiong. Ko-hiông Tiong-ha̍k sī Tâi-oân lâm-pō͘ ê tē-it chì-goān. Ko-hiông Tiong-ha̍k tī Ji̍t-pún sî-tāi ê chiân-sin sī Ko-hiông Chiu-li̍p Ko-hiông Tiong-ha̍k-hāu (高雄州立高雄中學校), ko̍h-bóe chiah koh kái-miâ chò Ko-hiông Chiu-li̍p Ko-hiông Tē-it Tiong-ha̍k-hāu (高雄州立高雄第一中學校). 1945 nî chiàn-āu, kái-miâ chò Tâi-oân Séng-li̍p Ko-hiông Tiong-ha̍k (台灣省立高雄中學), 1947 nî chham Ko-hiông Tē-jī Tiong-ha̍k ha̍p-pèng. 1979 nî kái-miâ chò hiān-chāi ê miâ-chheng.
