Kok-ka Gú-giân Hoat-tián Hoat

Kok-ka gí-giân hoat-tián hoat;
Si-hêng li̍t-kî	2019-nî 1-goe̍h 11-li̍t
Hoat-kui lūi-pia̍t
Pō͘	Bûn-hòa-pō͘
Li̍p-hoat le̍k-têng
	2018-nî 12-goe̍h thong-kòe jī-tho̍k sòng-kau saⁿ-tho̍k.; 2018-nî 12-goe̍h 25-li̍t thong-kòe saⁿ-tho̍k, sòng-kau chóng-thóng chhiam-sú.; 2019-nî 1-goe̍h 9-li̍t iû chóng-thóng Chhòa Eng-bûn chhiam-sú chóng-thóng-lēng kong-pò͘ āu, chū 2019-nî 1-goe̍h 11-li̍t khí si-hêng.;
	hián; lūn; pian;

Kok-ka Gú-giân Hoat-tián Hoat sī Tiong-hôa-bîn-kok ūi-tio̍h beh pó-chiòng kap thui-tōng kok Tâi-oân cho̍k-kûn gí-giân hoat-tián ê hoat-lu̍t, siōng-chá sī ùi 2007 nî 2 goe̍h chhe 2 iû Hêng-chèng-īⁿ bûn-hòa kiàn-siat úi-oân-hōe thê-chhut, choân-bûn lóng-chóng 12 tiâu^{[bô chhut-chhù]}. 2017 nî 7 goe̍h chhe 3 bûn-hòa-pō͘ koh 1 pái thê-chhut choân-bûn lóng-chóng 16 tiâu ê pán-pún^[2]. 2018 nî 12 goe̍h 25, Chit ê hoat-àn tī Li̍p-hoat-īⁿ sam-tho̍k thong-kòe choân-bûn 17 tiâu, chiâⁿ-chò Tiong-hôa-bîn-kok gí-giân chèng-chhek ê hoat-goân.

Keng-kòe siu-kái

Chit-tiâu hoat-àn ê li̍p-hoat cheng-sîn, siōng-chá ē-sái ùi 1983 nî khai-sí, Tiong-hôa Bîn-kok Kàu-io̍k-pō͘ chè-tēng ê "Gí-bûn hoat" chhó-àn, m̄-koh Tâi-oân siā-hōe tùi chit-chióng to̍k-chun Kok-gí (Hôa-gí) ê li̍p-hoat cheng-sîn chin tò-tōaⁿ, lo̍h-bóe chhó-àn to̍h hō͘ thiat-hôe. 2001 nî UNESCO (Liân-ha̍p-kok kàu-kho-bûn chó͘-chit) kā Tâi-oân goân-chū-bîn gí-giân phiau-chò "óa-hiám" gí-giân, kàu-io̍k-pō͘ koh-chài chhiau-chhōe kok-gōa siong-koan chu-liāu, chéng-lí "Goân-chū Bîn-cho̍k Gú-giân Hoat-tián Hoat," "Gí-giân Kong-pêng Hoat," kap Tiong-iong gián-kiù-īⁿ gí-giân-ha̍k gián-kiù-só͘ gí-tēng "Gú-giân Bûn-jī Ki-pún Hoat," í-siōng 3 tiâu hoat-àn piàn-chò "Gí-giân pêng-téng hoat," ǹg-bāng ē-sái li̍p-hoat thong-kòe.

2003 nî "Gí-giân pêng-téng hoat chhó-àn" chú-chhî tan-ūi choán-chò Hêng-chèng-īⁿ bûn-hòa kiàn-siat úi-oân-hōe, hoat-lu̍t tiâu-bûn ê kui-hoān ùi bú-gí ê ūn-iōng kái-chò thui-sak "bûn-hòa pó-chûn" kap kok-ka gí-giân ê hoat-tián. Keng-kòe tiong-iong chèng-hú khòa pō͘-hōe chham-siông liáu-āu, hoat-lu̍t ê tiōng-tiám pau-koat Kok-ka gí-giân ê tēng-gī, chú-koán ki-koan, khoân-lī, pó-hō͘ kap hoat-tián. Lēng-gōa, chit-tiâu hoat-lu̍t mā kiông-tiāu ài chun-tiōng kok gí-giân ê to-goân-sèng, pêng-téng hoat-tián kap thoân-sêng.

2016 nî 4 goe̍h 20, Li̍p-úi Koán Phek-lêng tī li̍p-hoat-īⁿ koh 1 pái thê-àn.

2016 nî 12 goe̍h, bûn-hòa-pō͘ úi-thok Kok-li̍p Tâi-tiong Kàu-io̍k Tāi-ha̍k Tâi-oân gí-bûn ha̍k-hē hē-chú-jīm Png Iāu-khiân chú-chhî Kok-ka gí-giân hoat-tián hoat ê gián-kiù kap kui-ōe kè-e̍k-àn.

2017 nî 6 goe̍h 30, kè-e̍k-àn "Kok-ka gí-giân hoat-tián hoat chhó-àn" thê-kau bûn-hòa-pō͘.

2018 nî 12 goe̍h 25, li̍p-hoat-īⁿ sam-tho̍k thong-kòe "Kok-ka gí-giân hoat-tián hoat" choân-bûn 17 tiâu^[3].

2019 nî chiàⁿ goe̍h chhe 9, chóng-thóng Chhòa Eng-bûn chhiam-sú "Hôa chóng it gī jī tē 10800003831 hō chóng-thóng-lêng^[4]" kong-pò͘ chit-ê hoat-lu̍t.

Chham-khó siu-kái

↑ Pang-bô͘:Tiong-hoa bîn-kok kong-pò͘ hoat-pò͘-li̍t si-hêng hoat-kui
↑ 文化部公告 (2017-07-03). "國家語言發展法草案" (PDF) (ēng Hôa-gí). 中華民國文化部. Goân-pún bāng-ia̍h Pó-chûn (PDF) tī 2017-08-27. 2017-08-27 khòaⁿ--ê.
↑ 中央廣播電臺 (2018-12-25). "「國家語言發展法」三讀通過鄭麗君：歷史性一刻" (ēng Hôa-gí). 中央廣播電臺. Goân-pún bāng-ia̍h Pó-chûn tī 2018-12-25. 2018-12-25 khòaⁿ--ê.
↑ 制定國家語言發展法 Archived 2020-01-19 at the Wayback Machine.，中華民國總統府.

Siong-koan tiâu-bo̍k siu-kái

Gōa-pō· liân-kiat siu-kái

[1] Pang-bô͘:Tiong-hoa bîn-kok kong-pò͘ hoat-pò͘-li̍t si-hêng hoat-kui

[2] 文化部公告 (2017-07-03). "國家語言發展法草案" (PDF) (ēng Hôa-gí). 中華民國文化部. Goân-pún bāng-ia̍h Pó-chûn (PDF) tī 2017-08-27. 2017-08-27 khòaⁿ--ê.

[3] 中央廣播電臺 (2018-12-25). "「國家語言發展法」三讀通過鄭麗君：歷史性一刻" (ēng Hôa-gí). 中央廣播電臺. Goân-pún bāng-ia̍h Pó-chûn tī 2018-12-25. 2018-12-25 khòaⁿ--ê.

[4] 制定國家語言發展法 Archived 2020-01-19 at the Wayback Machine.，中華民國總統府.

[2]

[1]

[3]

[4]

Kok-ka gí-giân hoat-tián hoat
Si-hêng li̍t-kî	2019-nî 1-goe̍h 11-li̍t^[1]
Hoat-kui lūi-pia̍t
Pō͘	Bûn-hòa-pō͘
Li̍p-hoat le̍k-têng
2018-nî 12-goe̍h thong-kòe jī-tho̍k sòng-kau saⁿ-tho̍k. 2018-nî 12-goe̍h 25-li̍t thong-kòe saⁿ-tho̍k, sòng-kau chóng-thóng chhiam-sú. 2019-nî 1-goe̍h 9-li̍t iû chóng-thóng Chhòa Eng-bûn chhiam-sú chóng-thóng-lēng kong-pò͘ āu, chū 2019-nî 1-goe̍h 11-li̍t^[1] khí si-hêng.
hián lūn pian