Su-lí gō͘-biū

(Tùi Lô-chek gō͘-biū choán--lâi)

tiat-ha̍k, su-lí gō͘-biū kí 1 chióng hêng-sek gō͘-biū (formal fallacy): in-ūi ián-e̍k (deductive) lūn-chèng (argument) ê kiat-kò͘ têng-tâⁿ, tì-tio̍h lūn-chèng bô-hāu. Chóng--sī tī it-poaⁿ ê lūn-su̍t, chhiâng-chāi kí jīm-hô ū būn-tê ê lūn-chèng, só͘-í tû-liáu hêng-sek gō͘-biū í-goā, oân-ná ū kí ián-e̍k í-goā ê gō͘-biū.

Lūn-chèng gō͘-biū ê lē siu-kái

Argumentum ad nauseam
Tiông-ho̍k lūn-tiám chheng-pah-pái lâi "chèng-bêng" sī chin. Chèng-tī jîn-bu̍t tiāⁿ-tiāⁿ sú-iōng ê lūn-chèng-hoat.
Argumentum ad hominem
Kong-kek thê-chhut lūn-chèng ê lâng lâi ta̍t-sêng hoán-pok lūn-chèng ê bo̍k-piau; "jîn-sin kong-kek".
Chháu-lâng
Thiau-kò͘-ì ut-áu tùi-chhiú ê lūn-tiám (chò chháu-lâng), lâi chiâⁿ-chò hoán-pok ê tùi-siōng.