NXP Pòaⁿ-tō-thé

NXP Pòaⁿ-tō-thé (Eng-gí: NXP Semiconductors), chiân-sin sī Philips Pòaⁿ-tō-thé, iû Hô-lân khì-gia̍p Philips tī 1953 nî sêng-li̍p. 2006 nî 8 goe̍h 31 hō, kong-si chip-hêng-tiúⁿ Frans van Houten tī Pek-lîm hiòng kheh-hō͘ kap oân-kang soan-pò͘ kong-si ê sin miâ-hō. NXP Pòaⁿ-tō-thé bo̍k-chiân ē-tàng thê-kiong pòaⁿ-tō-thé, hē-thóng kap nńg-thé kái-koat hong-àn; sú-iōng tī khì-chhia, chhiú-ki-á, tì-hūi sek-pia̍t èng-iōng, tiān-sī, ki-siōng-ap í-ki̍p kî-thaⁿ tiān-chú siat-pī siōng.