O Little Town of Bethlehem

O Little Town of Bethlehem
	Chok-chiá só͘ siá tē 1 toāⁿ--ê chhiú-kó
Bân-lâm-gí	Sòe-sòe ê Siâⁿ-chhī Pek-lī-hêng
Genre	Sèng-tàn Siōng-koa
Chok-chiá	1868
Text	Phillips Brooks
Based on	Pang-bô͘:Sourcetext
Meter	8.6.8.6.7.6.8.6
Melody	"St. Louis", Lewis Redner chok,; "Forest Green", Ralph Vaughan Williams chok

O Little Town of Bethlehem (ì-sù: Oh, sió-tìn Pek-lī-hêng) sī chi̍t siú Sèng-tàn siōng-koa. Kūn-ki tī 1868 nî, Phillips Brooks só͘-siá--ê si-bûn, Chit siú siōng-koa tī Toa-se-iûⁿ lióng-hoāⁿ lóng liû-hêng, m̄-koh iōng bô-kāng--ê tiāu: tī Bí-kok ēng Brooks--ê ha̍p-chò-chiá, Lewis Redner siá--ê "St. Louis"; tī Eng-kok, Ka-ná-tah kap Ài-ní-lân ēng "Forest Green". Chit ê tiāu, sī iû Ralph Vaughan Williams siu-chi̍p, 1906 nî thâu chi̍t kái chhut-pán tī English Hymnal (Eng-lân Sèng-si-chi̍p).

Koa-sû

Si-bûn chok-chiá sī Phillips Brooks (1835–1893), i sī Sèng-kong-hōe--ê bo̍k-su, í-āu chêng-āu chò Philadelphia Sèng Sam-it Tn̂g, kap Boston Sam-it Tn̂g ê chú-jīm bo̍k-su. I in-ūi tī 1865 nî khì Iâ-lō͘-sat-léng Sanjak ê Pek-lī-hêng ê sî-chūn siū khé-hoa̍t. Saⁿ-nî āu, i ūii in kàu-hōe siá chit siú si, I ê hong-khîm-chhiú Lewis Redner (1831–1908) ke-thiⁿ im-ga̍k.

Kau-hiáng-ga̍k kái-pian

Seoul Ài-ga̍k Koán-hiân Ga̍k-thoân

Siu-thiaⁿ chia tóng-àn chhut būn-tê? Chham-khó kái-soeh.

Redner--ê tiāu, kan-tan hō-chò "St. Louis", sī Bí-kok tōa-pō͘-hūn--ê só͘ chhiùⁿ chit tiâu siōng-koa--ê tiāu.^[1] E-kha sī Redner só͘ kóng--ê chok-khek kò͘-sū:^[1]

Tng 1968 nî Sèng-tàn kīn-óa--ê sî, Brooks--Sian--siⁿ kā góa kóng i ū siá chi̍t-tiâu kan-tan koh sè-sè--ê siōng-koa, hō͘ Sèng-tàn-cheh--ê chú-ji̍t-o̍h ēng, mā kà góa chò-khek. Chit tiâu im-ga̍k sī tī hui-siông koáⁿ, siū-tio̍h chiâⁿ tōa--ê ap-le̍k ê sî só͘-siá. Goán beh tī ē chit ê Chú-ji̍t liān. Brooks--Sian-siⁿ tī pài-gō͘ chhōe--góa, kóng, "Redner, lí kám ū kā 'O Little Town of Bethlehem'--ê im-ga̍k siá--chhut-lâi?" Góa ìn "Bô", M̄-koh i beh tī Chú-ji̍t the̍h-tio̍h. Tī pài-la̍k ê àm-mê, góa thâu-khak tùi khek-tiāu sī loān-hun-hun, goa siūⁿ Chú-ji̍t-o̍h--ê khò tian-tó pí siūⁿ im-ga̍k khah chē. M̄-koh góa tī àm-thâu-á khùn kah chiok oàⁿ--ê sî khí-chhn̂g, thiaⁿ-tio̍h thiⁿ-sài--ê soân-lu̍t khin-siaⁿ ji̍p góa--ê hī-khang, tio̍h giú ga̍k-phó͘-chóa, kín-kín kì khek-tiāu--ê koân-im, tio̍h sī chit má--ê khek. Tī Chú-ji̍t thàu-chá, góa khì kàu-hōe chìn-chêng, thiⁿ hô-siāⁿ. Brook--Siaⁿ-siⁿ kap góa lóng bô siūⁿ-tio̍h chit tiâu siōng-koa á-sī im-ga̍k tī 1868 nî--ê Sèng-tàn-cheh āu koh tī-leh.
Góa kì--tit, tī Tē 13 Ke sai-pêng--ê Chestnut Ke, khui chheh-tiàm--ê Richard McCauley, kā koa-khek ìn-chò toaⁿ-á hoàn-bē. Huntington Bo̍k-su Phok-sū, chò Massachusetts-chiu Worcester Chu-sèng-tn̂g (All Saints' Church) --ê chú-jīm bo̍k-su, mn̄g góa kám hí-khó ìn tī in Chú-ji̍t ha̍k-hāu ê sèng-si kap im-ga̍k-chheh, kiò-chò The Church Porch. Kā chit tiâu im-ga̍k hō-chò "Saint Louis"--ê tiō sī i.

Forest Green

Tī Eng-kok kap Tāi-eng Kok-hia̍p, ū tang-sî-á tī Bí-kok (iû-kî tī Sèng-kong-hōe), tian-tó iōng Eng-gí ê sèng-si khek-tiāu "Forest Green". "Forest Green" sī Ralph Vaughan Williams tùi Eng-gí bîn-iâu "The Ploughboy's Dream" kái-pian--ê, goân-khek sī i tī 1903 tùi Forest Green, Surrey ê Garman--Sian-siⁿ siu-chi̍p--ê.^[2]^[3] Henry Garman chhut-sì tī 1830 nî ê Sussex, tī 1901 Eng-kok jîn-kháu phó͘-cha ê sî, tòa tī Ockley, Surrey. Vaughan Williams ê chhiú-khó kì i si " Óa-kīn Ockley - Surrey--ê Forest Green--ê lô-kang. (tāi-iok 60 [hòe]?)",^[2] sui-bóng Garman--Sian-siⁿ gîm khek-tiāu--ê sî,^[4] hoân-sè chiap-kīn 73 hòe. Chú-koa kiat-kò͘ sī strophic (chi̍t pō͘ khek--ê hêng-sek), hêng-sek sī A–A–B–A. Vaughan Williams kái-pian i chò sèng-si--ê tiāu, ke hô-siaⁿ. I tāi-seng tī 1906 nî--ê English Hymnal chhut-pán (ē-kha sī choán-siá).

Kî-thaⁿ pán-pún

Khek mā koh ū nn̄g ê pán-pún , chiū sī "Wengen" kap "Christmas Carol",^[5] chok-khek sī Henry Walford Davies. "Wengen" tī 1922 nî^[6] chhut-pán tī Hymns Ancient and Modern, kâng-sî "Christmas Carol" thong-siông kan-ta iû si-pan (詩班) hiàn-chhiùⁿ, m̄ sī hōe-chiòng chhiùⁿ--ê si-koa. Che sī in-ūi thâu-chêng nn̄g kù sī hō͘ hong-khîm phoāⁿ-chàu--ê kuân-im chhiùⁿ, chí-ū bóe-kù sī ha̍p-chhiùⁿ/hù-koa (chorale/refrain) ê hô-siāⁿ. Chit chióng siat-teng pau-hâm tī tú-khai-sí tùi Lō͘-ka Hok-im pian--ê lóng-siōng-tiāu (朗誦調; recitative), mā chhiat-tiāu tē 2 kap tē 4 kù (siōng-koa goân-pún ū 5 kù). Chit ê pán-pún siông-siông tī Cambridge Kok-ông Ha̍k-īⁿ (King's College, Cambridge) ê Nine Lessons and Carols (káu-phiⁿ tha̍k-keng kap siōng-koa) piáu-ián.^[7]

William Rhys-Herbert ka-thiam sin--ê sèng-si-tiāu (hymn-tune) kap hô-siaⁿ-hòa (harmonization), chiâⁿ-chòe in 1909 nî--ê chheng-chhiùⁿ-kio̍k Bethany--ê chi̍t pō͘-hūn.

Chit-tiâu koa ma ke tī chin chē hian-tāi koa-chhiú lo̍k--ê chē-chē sèng-tàn choan-chi̍p.

"Little Town" sī Eng-gí chhòng-chok koa-chhiú Chris Eaton tùi "O Little Town of Bethlehem" kái ê kái-pian-khek. Thâu-chi̍t-kái iû Eng-gí koa-chhiú Cliff Richard tī 1982 nî lio̍k-im thui-chhut, tī Eng-kok--ê Sèng-tàn-cheh liû-hêng. Tī Bí-kok, khah ti-miâ--ê pán-pún sī iû Bí-kok hiān-tāi Ki-tok-kàu im-ga̍k-ka Amy Grant chhiùⁿ, tī i ê 1983 nî Sèng-tàn-cheh choan-chi̍p thui-chhut.^[8] Iû chok-khek-ka Philip Trumble siá--ê sin--ê tiāu "Enmore" tī 1987 nî chhut-pán. Philip Trumble--ê, mā tī 2022 nî chhut-pán--ê Christmas Praise (Sèng-tàn-cheh Ó-ló) khan. ^[9] Philip Trumble's was also published in the 2022 publication Christmas Praise ^[10]^[11]

Chham-khó

Chù-kha

↑ ^1.0 ^1.1 Louis F. Benson, "O Little Town of Bethlehem". Studies Of Familiar Hymns, First Series (Philadelphia: The Westminster Press. 1924), 11.
↑ ^2.0 ^2.1 Vaughan Williams' Manuscript of "The Ploughboy's Dream" at the Vaughan Williams Memorial Library Full English collection, accessed 30 March 2014
↑ Byron Adams, Robin Wells, "Hymn Tunes from Folk Songs" in Vaughan Williams Essays, Volume 3; Volume 44, (Ashgate Publishing, 2003), ISBN 978-1-85928-387-5 p. 111
↑ Mark Browse, "O Little Town", hymntunes.blogspot.co.uk, 12 July 2015
↑ "Christmas Carol", Davies, Hyperion Records
↑ Hymns Ancient and Modern (London: William Clowes and Sons, Ltd., 1922)
↑ Order of Service Archived 2010-11-01 at the Wayback Machine., A Festival of Nine Lessons and Carols 1999, King's College Cambridge 1999.
↑ Mayaab, Philips. "From Mainstream to CCM: Cliff Richard's Story". ccmclassic.com. New Hope Management. goân-loē-iông tī 2020-09-24 hőng khó͘-pih. 29 September 2019 khòaⁿ--ê.
↑ CAROL PRAISE MARSHALL PICKERING ISBN 0-551-01452-0
↑ "Praise!". www.praise.org.uk.
↑ ISBN 9781739156305

Gōa-pō͘ liân-kiat

Media related to O little town of Bethlehem at Wikimedia Commons
O Little Town of Bethlehem: Free scores at the Choral Public Domain Library (ChoralWiki)
"O Little Town of Bethlehem" (Davies): Scores at the International Music Score Library Project
Score of "Wengen": (pt 1, pt 2)
YouTube téng ê "O little town of Betlehem" (audio) ê iáⁿ-phìⁿ, sung to the tune "Forest Green" (arr. Vaughan Williams, desc. Thomas Armstrong) by the Choir of King's College, Cambridge

[benson-1] 1.0 ^1.1 Louis F. Benson, "O Little Town of Bethlehem". Studies Of Familiar Hymns, First Series (Philadelphia: The Westminster Press. 1924), 11.

[RVW-2] 2.0 ^2.1 Vaughan Williams' Manuscript of "The Ploughboy's Dream" at the Vaughan Williams Memorial Library Full English collection, accessed 30 March 2014

[3] Byron Adams, Robin Wells, "Hymn Tunes from Folk Songs" in Vaughan Williams Essays, Volume 3; Volume 44, (Ashgate Publishing, 2003), ISBN 978-1-85928-387-5 p. 111

[4] Mark Browse, "O Little Town", hymntunes.blogspot.co.uk, 12 July 2015

[5] "Christmas Carol", Davies, Hyperion Records

[6] Hymns Ancient and Modern (London: William Clowes and Sons, Ltd., 1922)

[7] Order of Service Archived 2010-11-01 at the Wayback Machine., A Festival of Nine Lessons and Carols 1999, King's College Cambridge 1999.

[Mayaab-8] Mayaab, Philips. "From Mainstream to CCM: Cliff Richard's Story". ccmclassic.com. New Hope Management. goân-loē-iông tī 2020-09-24 hőng khó͘-pih. 29 September 2019 khòaⁿ--ê.

[9] CAROL PRAISE MARSHALL PICKERING ISBN 0-551-01452-0

[10] "Praise!". www.praise.org.uk.

[11] ISBN 9781739156305

[1]

[2]

[3]

[4]

[5]

[6]

[7]

[8]

[9]

[10]

[11]