Oa̍h-pán, he̍k-chiá kong oa̍h-jī-pán, sī chi̍t khoán ìn-soat ê hêng-sek, lī-ēng ē-sái tín-tāng ê "jī", pí kò͘-tēng ê khek-pán kha hó oa̍h-iōng. Pâi-tēng oa̍h-pán ê khang-khoè kiò "pâi-jī".

La-teng jī-bó ê oa̍h-pán jī.

Só͘ chāi-iáⁿ siāng chá hong kì-lio̍k ê oa̍h-pán ki-su̍t sī Tiong-kok Sòng tāi ê Pit Seng (畢昇) tī 1040 nî chó-iū hoat-bêng; tī Tiâu-sián mā hoat-tián chhut kim-sio̍k oa̍h-pán. 1377 nî ê Ti̍t-chí Sim-thé Iāu-chiat (直指心體要節) sī hiān-chûn siāng kó͘ ê oa̍h-pán ìn-soat-phín.

Tī 1450 nî chó-iū, Tek-kok ê Johannes Gutenberg hoat-bêng chhut sin ê oa̍h-pán ìn-soat ki-su̍t, i ēng iân, siah kap stibium chè-chō oa̍h-pán jī, sī hiān-tāi oa̍h-pán ìn-soat ê khí-thâu.