Pang-chān:臺北市立天母野球場

天母野球場

臺北市立天母野球場，簡稱天母野球場，是一个位佇臺灣臺北市士林區天母兮野球場，佇1999年8月啟用，邊仔是天母運動公園。天母野球場內野有10,000个坐位，外野因為欲留起巨蛋兮所在，無設置坐位；2020年改做人工草坪，成做全臺灣第一个使用人工草坪兮職棒球場。

天母野球場原底無欲做職棒兮球場，所以干焦設計6000个坐位，後來為着欲舉辦國際比賽才改做10,000个坐位。此外，天母野球場嘛因為附近兮居民煩惱若有職棒比賽會傷吵，所以嘛禁止職棒比賽佇遮拍。後來佇市政府和中華職棒去佮居民溝通、撨好勢了後，佇2002年開放職棒比賽，中職隨佇5月11舉辦天母野球場兮頭一擺中職比賽。

毋過天母猶原有誠濟特別兮規定，包含超過10點𣍐 (bē)使用擴聲設備佮樂器加油、例行賽若超過10點着𣍐 (bē)使閣拍延長賽（若是10點兮時陣已經咧拍延長賽矣着是拍甲彼局結束）。原底閣有規定拜一甲拜四𣍐 (bē)使排比賽，後來佇2022年改做一禮拜上濟會當排4場。