Pokémon Detective Pikachu

Pokémon Detective Pikachu sī 2019 nî ê chi̍t chhut to͘-chhī khong-sióng (urban fantasy) gî-sîn tiān-iáⁿ (mystery film), kàn-tok sī Rob Letterman, i kap Dan Hernandez, Benji Samit, kiam Derek Connolly ha̍p siá hì-bûn, kò͘-sū tāi-seng sī Hernandez, Samit kap Nicole Perlman pian--ê. Pún chhut sī kun-kù Satosi Taziri chhòng-chō ê Pokémon hē-lia̍t kap 2016 nî ê bí-ti-oh-gém Detective Pikachu phah--ê, chè-chok sī Warner Bros. Pictures, Legendary Pictures kap The Pokémon Company, kiam kah Toho Co., Ltd. ha̍p-chok. Che sī thâu chi̍t chhut Pokémon hē-lia̍t ê chin-lâng kiam tōng-ōe tiān-iáⁿ, piáu-hiān chi̍t-ê kap chú-sòaⁿ iû-hì kap anime bô-kâng ê sè-kài.

Hì lāi ê Pikachu sī Ryan Reynolds hoat-siaⁿ kiam lia̍h piáu-chêng, phòe Justice Smith, Kathryn Newton, Suki Waterhouse, Omar Chaparro, Chris Geere, Ken Watanabe kap Bill Nighy téng kioh.