Sió-lé-bō
- Koan-hē chi̍t khoán tì thâu-khak téng ê sió bō-á khoán chong-sek, khòaⁿ hatinator.
Sió-lé-bō[1] sī chi̍t khoán Se-iûⁿ-sek ê bō-á, Eng-gí hō bowler hat, sī îⁿ téng ngē chit--ê, tāi-khài 19 sè-kí tiong-āu-kî tng sî-kiâⁿ. Tī Bí-kok Eng-gí lāi-bīn pún khoán bō-á mā kiò derby.[2]
Khí-goân
siu-káiSió-lé-bō it-poaⁿ jīn-ûi sī ùi 1849 nî kang-gia̍p-hòa heng-thong sî-kî ê Eng-kok hông siat-kè chhut--lâi-ê, i mā piàn chò sī Eng-kok-lâng ê chi̍t khoán tāi-piáu ho̍k-chong. "Bowler" chi̍t-ê miâ sī tùi Eng-lân pak-pō͘ Stockport ê chè-bō-sai John kap William Bowler hō--lâi, tāi-seng sī chi̍t ūi hôa-cho̍k chí-tēng ê phah-la̍h ēng bō siat-kè. Hit tang-chūn seng-sán ê kong-si sī Lûn-tun ê James Lock and Company.[2]
Tāi-chiòng bûn-hòa
siu-káiSió-lé-bō tī kīn-lâi pah-gōa tang sī hiáⁿ-ba̍k ê bō-á khoán-sek. Tiāⁿ chhut-hiān tī gē-su̍t, bûn-ha̍k, kàu kin-sè oa-án koh tī kóng-kò téng-téng lōe-iông hông chhái-ēng. Chhiò-khoe ián-goân Charlie Chaplin chhut-miâ ê hêng-bô͘ chi it, tiō sī tì chi̍t téng sió-lé-bō, che un-á sī āu--lâi Laurel and Hardy ê chheng-chhah. Í-gōa, chit khoán bō-á mā kì-su̍t tī Samuel Beckett ê Waiting for Godot, Bertolt Brecht ê Threepenny Opera, kap Stanley Kubrick ê Clockwork Orange téng-téng bûn-ha̍k kiam hì-chhut chok-phín lāi-bīn. Ōe-ka René Magritte ia̍h ōe chiūⁿ i-ê chhiau-hiān-si̍t ōe-chok téng-bīn.[2]
Chham-khó
siu-kái- ↑ Thomas Barclay (1923). "帽". Supplement to Dictionary of the Vernacular or Spoken Language of Amoy.
sió-lé bō, a bowler hat
- ↑ 2.0 2.1 2.2 Susie Hopkins (2004). "Hats, Men's". Chū Valerie Steele. Encyclopedia of Clothing and Fashion. Charles Scribner's Sons. ISBN 0-684-31394-4.
Khok-chhiong tha̍k-bu̍t
siu-kái- Fred Miller Robinson (2011). The Man in the Bowler Hat: His History and Iconography. The University of North Carolina Press. ISBN 978-0-8078-6585-9.
