Si-phian 2
Si-phian 2, ia̍h Si-phian Tē 2 Chiuⁿ, sī Kū-iok Sèng-keng lāi ê tē-2 phiⁿ si-phian.
| Si-phian 2 | |
|---|---|
 | |
| Su | Si-phian |
| Sèng-keng ê pō͘-hūn | Kū-iok |
| Pō͘-hūn lāi ê sūn-sī | 19 |
| Lūi-pia̍t | Sèng-si |
Choân-bûn
siu-kái1 Lia̍t-pang siáⁿ-sū soan-hoa, Chèng peh-sìⁿ siáⁿ-sū kè-bô͘ khang-khang ê sū?
2 Sè-chiūⁿ ê kun-ông khiā--khí-lâi, Chiáng koân-pèng--ê saⁿ-kap gī-lūn, Beh tí-te̍k Iâ-hô-hoa, iā tí-te̍k I ê siū boah-iû--ê.
3 Kóng, Lán tio̍h chhoah-tn̄g in ê khún-pa̍k, Hiat-ka̍k in ê soh.
4 Chē tī thiⁿ-téng--ê beh chhiò, Chú beh biáu-sī in.
5 Hit-sî I beh tī I ê siū-khì-tiong lâi tùi i kóng, Tī I ê tōa siū-khì lâi hō͘ in kiaⁿ.
6 Chú kóng, Góa í-keng siat-li̍p Góa ê ông, Tī Sek-an, Góa ê sèng-soaⁿ.
7 Góa beh thoân sèng-chí, Iâ-hô-hoa bat kā góa kóng, Lí sī Góa ê kiáⁿ, Góa kin-á-ji̍t siⁿ lí.
8 Lí kiû Góa, Góa chiū chiong lia̍t-pang hō͘ lí chòe ki-gia̍p; Chiong tōe ê ke̍k-thâu hō͘ lí chòe sán-gia̍p.
9 Lí beh ēng thih-koáiⁿ phah-phòa in; Beh kòng-chhùi in chhin-chhiūⁿ sio-hûi lâng ê hûi-khì.
10 Taⁿ lín lia̍t-ông tio̍h ū tì-hūi; Lín sè-chiūⁿ ê sím-phòaⁿ-koaⁿ tio̍h siū kéng-kài.
11 Tio̍h ēng kèng-ùi lâi ho̍k-sāi Iâ-hô-hoa, Tio̍h ēng kiaⁿ-hiâⁿ lâi hoaⁿ-hí.
12 Tio̍h ēng chhùi chim Sèng Kiáⁿ, kiaⁿ-liáu I siū-khì, lín chiū bia̍t-bô tī lō͘-tiong. In-ūi I ê siū-khì beh kín-kín hoat-chhut. Hoān-nā óa-khò I--ê, lóng sī ū hok-khì ê lâng.
Gōa-pō͘ liân-kiat
siu-kái
- Sèng-keng Tin-chông: Má Ngá-kok Kū-iok Choân-su & Pa-khek-lé Sin-iok Choân-su, Sìn-bōng-ài, Tin-pún Sèng-keng Sò͘-ūi Tián-chông Cha-sûn Hē-thóng.
- Pe̍h-ōe-jī Sèng-keng Bo̍k-lio̍k Archived 2017-06-23 at the Wayback Machine.
| Si-phian 2 | ||
| Chiap-sio̍k Si-phian 1 |
Kū-iok Sèng-keng Choân-su Si-phian |
Kè-sio̍k Si-phian 3 |