Tâi-lâm Koan-gîn-phiò
| 這篇文章有漢字兮版本。 參考這篇文章兮漢字版本。 |
Tâi-lâm Koan-gîn-phiò (Hàn-jī: 臺南官銀票) sī Tâi-oân Bîn-chú-kok tī Tn̂g Kéng-siông soan khì Ē-mn̂g, Lâu Éng-hok tī 1895 nî 6-goe̍h thè kah Tâi-lâm pēng-chhiáⁿ chiap-jīm tāi-chóng-thóng sî hoat-hêng ê gîn-phiò, iû Koan-gîn Chîⁿ-phiò Chóng-kio̍k hū-chek hoat-hêng.
| Tâi-lâm Koan-gîn-phiò | |||||
|---|---|---|---|---|---|
| 臺南官銀票 | |||||
| |||||
| Gia̍h-bīn | |||||
| pó͘-chō͘ tan-ūi (khah sè) | |||||
| 1 | tāi-oân | ||||
| 1⁄100 | bûn | ||||
| Gîn-phiò | 1, 5, 10 tāi-oân, 500 bûn | ||||
| Thóng-kè | |||||
| khai-sí sú-iōng | 1895 nî | ||||
| Sú-iōng-chiá |
 Tâi-oân Bîn-chú-kok Tâi-lâm tē-khu | ||||
| Hoat-hêng | |||||
| Tiong-iong gîn-hâng | Tâi-lâm Tiû-hông Chóng-kio̍k | ||||
| Ìn-soat-chiá |
Hō͘-lí Tâi-lâm-hú Chèng-tông-tiong (seng) Koan-gîn Chîⁿ-phiò Chóng-kio̍k (āu) | ||||
_Auction_World_02.png)
Chit-ê gîn-phiò sī in-ūi chiàn-cheng kah tōng-loān hō͘ kok-khò͘ tit-beh bô-chîⁿ ah, chèng-hú ūi-tio̍h kun-hiòng só͘-í tio̍h hoat-hêng chit ê gîn-phiò lâi thàn-chîⁿ.
Kah āu-lâi Ji̍t-pún hoat-hêng ê Tâi-oân Gîn-hâng-koàn pí-kàu, Tâi-lâm Koan-gîn-phiò khah sêng chiàn-cheng kok-chè-koàn, khah bô sêng hòe-pè.
Le̍k-sú
siu-kái1895 nî 5-goe̍h 25 Tâi-oân Bîn-chú-kok sêng-li̍p, bô-gōa-kú tāi-chóng-thóng Tn̂g Kéng-siông soan khì Ē-mn̂g, Tâi-pak-siâⁿ hō͘ Ji̍t-pún chiàm-niá, kàu chia Tâi-oân Bîn-chú-kok tī pak-pō͘ ê sè-le̍k í-keng chha-put-to sòaⁿ-liáu-liáu ah, lâm-pō͘ ê sū-sin tio̍h kí-chiàn hông-siú tâi-lâm ê Lâu Éng-hok kè-sio̍k léng-tō Tâi-oân Bîn-chú-kok tī lâm-pō͘ ê sè-le̍k. Ūi-tio̍h Tâi-oân Bîn-chú-kok ê keng-hùi, tio̍h siat-li̍p Tâi-lâm Tiû-hông Chóng-kio̍k, m̄-koh in-ūi kun-hiòng khai chiok chē chîⁿ, tio̍h ū lâng leh thó-lūn hoat-hêng Koan-gîn-phiò, só͘-í tio̍h seng iōng "Hō͘-lí Tâi-lâm-hú Chèng-tông-tiong" ê miâ-gī hoat-hêng koan-gîn-phiò; bô-gōa-kú, Tâi-lâm Tiû-hông Chóng-kio̍k ē-kha sin-siat Tâi-lâm Koan-gîn-chîⁿ-phiò Chóng-kio̍k, siōng-chá hoat-hêng ê koan-gîn-phiò bīn-gia̍h ū-1 tāi-oân, 5 tāi-oân, 10 tāi-oân 3 chióng, āu-lâi koh hoat-hêng chi̍t chióng sió-phiò 500 bûn. Tâi-oân Bîn-chú-kok Koan-gîn-phiò koh hō-chò "Lâu khim-chhe gîn-phiò", chú-iàu sī sú-iōng kàu 1895 nî 10-goe̍h 21-hō Ji̍t-kun chiàm-niá Tâi-lâm, Tâi-oân Bîn-chú-kok bia̍t-bông ûi-chí. [1]
Tô͘
siu-kái| Pè-ti̍t | Tô͘ | Hoat-hèng Ki-kò͘ |
|---|---|---|
| 500 bûn | _%E6%86%91%E7%A5%A8_-_%E5%85%89%E7%B7%9221%E5%B9%B4_(1895%E5%B9%B4)_01.jpg)
|
官銀錢票總局 |
| 1 tāi-oân | _Auction_World_01.jpg)
| |
| 5 tāi-oân | 
| |
| 10 tāi-oân | 
|
Chham-khó
siu-kái- ↑ 中華民國文化部. "1895年臺南臺灣民主國發行壹大員的官銀票紙鈔-文化部國家文化記憶庫". memory.culture.tw (ēng Hôa-gí). goân-loē-iông tī 2024-04-24 hőng khó͘-pih. 2024-04-24 khòaⁿ--ê.