Tâi-oân ê giân-gí

Tī Tâi-oân, liû-thong sî-kan khah kú-tn̂g ê chāi-tē giân-gí chú-iàu ū Lâm-tó gí-hē ê chē khoán giân-gí, chham thoân-thóng lâi kóng chiàm siāng tōa-hūn jîn-kháu ê Tâi-gí, kiam Kheh-gí ê chē chióng chha-pia̍t chin tōa ê khiuⁿ-kháu.

Hôa-gí

Keng-kòe chi̍t tōaⁿ sî-kan ê thui-sak, kiam tùi chāi-tē giân-gí sú-iōng ê kìm-chí kap chè-hān chèng-chhek, ēng Tiong-kok Koaⁿ-ōe (iû-kî sī Pak-kiaⁿ-ōe) chò ki-chhó͘ chè-tēng ê piau-chún-hòa Hôa-gí bo̍k-chêng í-keng sī siāng phó͘-phiàn--ê, che sī Tiong-hôa Bîn-kok chèng-hú ê koan-hong gí-giân, mā sī chit-má Tâi-oân tōa-pō͘-hūn kàu-io̍k hē-thóng ê kà-ha̍k mûi-kài-gí.

Ji̍t-gí

Le̍k-sú siōng ū chit chām tī Tâi-oân ê koan-hong giân-gí sī Ji̍t-gí, nā chiàn-chêng siū Tâi-oân kàu-io̍k ê lâng, in it-poaⁿ lóng o̍h ē-hiáu Ji̍t-gí.

Tâi-oân chhiú-gí

Tâi-oân ê chhiú-gí thang hun nn̄g tōa lūi, chú-iàu ê pō͘-hūn phian Ji̍t-pún chhíu-gí, chió hūn phian Tiong-kok chhiú-gí.

Tang-lâm-a ê giân-gí

Kin-sè ū bē-chió kóng Oa̍t-lâm-gí, Ìn-nî-gí, kap Tagalog-gí téng Tang-lâm-a giân-gí ê lâng tī Tâi-oân seng-oa̍h.

Chú-iàu siū ha̍k-si̍p ê gōa-gí

Tī kin-á-ji̍t ê Tâi-oân, Eng-gí kap Ji̍t-gí chò-hóe sī lâng chú-iàu chò tē-jī giân-gí teh ha̍k-si̍p ê nn̄g khoán.

Kî-tha Tang-iûⁿ giân-gí

Tâi-oân iáu ū chi̍t kóa Ho̍k-chiu, Chiat-kang, ia̍h Tiong-kok kî-tha só͘-chāi ê ōe, chóng-sī í-keng chin hán lâng teh kóng.

Siong-koan

• Tiong-hôa Bîn-kok ê giân-gí
• Kim-mn̂g ê giân-gí
• Má-chó͘ ê giân-gí