Tân Chìn
Tân Chìn (陳進, 1907 nî 11 goe̍h 2 ji̍t – 1998 nî 3 goe̍h 27 ji̍t), phian-miâ Tân Chín-khok (陳進子)[1], chhut-sì sī taⁿ Sin-tek-chhī Hiong-san-khu Gû-po͘-chng, sī Ji̍t-pún sî-tāi kap chiàn-āu Tâi-oân ū-miâ ê ōe-ka, iā-sī Tâi-oân lú-chú o̍h ōe-tô͘ ê tē-it0lâng. In-ūi chhut-sin tī sū-sin sè-ka, só͘-í hō͘ āu-sè ī-ûi "Kui-siù ōe-ka ê tāi-piáu-sèng`jîn-bu̍t".
| |||
|---|---|---|---|
| Chhut-sì |
1907 nî 11 goe̍h 2 ji̍t Ji̍t-pún léng Tâi-oân Sin-tek-thiaⁿ | ||
| Koè-sin |
1998 nî 5 goe̍h 27 ji̍t (90 hòe) Tiong-hoâ Bîn-kok (Tâi-oân) | ||
| Kok-che̍k |
 Ji̍t-pún (1907–1945) Tiong-hoâ Bîn-kok (1945–1998) | ||
| Chhut-miâ î | ūi-tô͘ | ||
| Kàu-io̍k |
Lú-chú bí-su̍t-ha̍k-hāu Tâi-pak Tē-saⁿ Ko-lú | ||
| Chióng |
Tè-kok Bí-su̍t Tián-lám-hōe (1934) Tâi-oân Bí-su̍t Tián-lám-hōe | ||
Seng-peng siu-kái
Se-goân 1922 nî chìn-ji̍p Tâi-pak Chiu-li̍p Tē 3 Kó-téng Lú-ha̍k-hāu (Taⁿ Tâi-pak-chhī-li̍p Tiong-san Lú-chú Ko-kip-tiong-o̍h), chiap-siū bí-su̍t kàu-su Gôbara ti ūi-tô͘ siōng ê khé-bông. Ko-lú pit-gia̍p liáu-āu khó-tio̍h Tang-kiaⁿ ê lú-chú bí-su̍t-ha̍k-hāu Ji̍t-pún ōe-su su-hoān-kho..1927 nî ji̍p-soán Tâi-oân Bí-su̍t Tián-lám-hōe Tang-iûⁿ ōe-pō͘, kap Lîm Gio̍k-san, Koeh Soat-ô͘ nn̄g-ūi Tâi-oân ōe-ka ha̍p-chheng "Tâi, tián Saⁿ siàu-liân". 1934 nî, í tōa-chí Tân Sin chò mô͘-teh-lù só͘ ōe--ê Ha̍p-chàu ji̍p-soán Ji̍t-pún tē 15 hôe Tè-kok Bí-su̍t Tián-lám-hōe (Kán-chheng "Tè-tián), chiâⁿ-chò tē-it-ūi ji̍p-soán Tè-tián ê Tâi-oân lú-ōe-ka. 1934 nî kàu 1937 nî jīm-kàu tī Pîn-tong Ko-lú (Taⁿ ê Kok-li̍p Pîn-tong Lú-chú Ko-kip-tiong-o̍h).
Ū-miâ ê Chok-phín siu-kái
Ji̍t-pún Sì-tāi siu-kái
- Chu (1927), Eng-sek (1927) kap Tiâu (1927) ji̍p-soán Tâi-oân Bí-su̍t Tián-lám-hōe.
- Hông-hun Têng-īⁿ (1929), Chi-lân chi Phang (1932), Thú Koa (1932)
- Ha̍p-chàu （1934）ji̍p-soán Tè-kok Bí-su̍t Tián-lám-hōe, chiâⁿ-chò tē-it-ūi ji̍p-soán ê Tâi-oân lú-ōe-ka.
- Chheng-êng (1935), Ōe-chng (1935)
- Soaⁿ-tē-mn̂g-siā chi Lú (1936) ji̍p-soán Bûn-pō͘-séng bí-su̍t Tián-lám-hōe.
Chiàn-āu Tâi-oân siu-kái
- Hū-lú tô͘ (1945), Theh Hoe ê Siàu-lú (1947), Ta-po͘ Gín-á (1954), tōng-pâng (1955)
- Bán Kó (1961), Su (1965), Chhun-chhiu-koh (1965), Sek-ka-pu̍t Tàn-seng (1965－1967), Sek-chun Iù-nî ê Sî (1965－1967)
- Kok Hiong (1971), Ông-chiá Hiong (1971), Ge̍h-hā Bí-jîn (1971), Hōng-sian-hoe (1973)
- Sèng An-tong-nî Iû-hô (1980), Bú-ài (1984)
- 2016 nî Tiān-sī-kio̍k Chí-sek Tōa-tiū-tiâⁿ, iû Tiuⁿ Chēng-chi pān-ián.
Chham-kiàn siu-kái
Chham-khó Bûn-hiàn siu-kái
- ↑ Tâi-oân Lîn-sū Kàm. Tâi-oân Sin Bîn-pò Siā. 1937.
Gōa-pō͘ Liân-kiat siu-kái
- Tâi-oân Lú-jîn--Tân Chìn Archived 2019-08-25 at the Wayback Machine.
- Tân Chìn Ōe-chok Khòaⁿ-kìⁿ Liû-hêng 1930 - Kok-li̍p Tâi-oân Le̍k-sú Phok-bu̍t-koán
- Tân Chìn﹝1907 ~ 1998﹞ - Sī-kak Sò͘-ióng Ha̍k-sip-bāng Archived 2021-04-13 at the Wayback Machine.
- Su-thó͘-su-bîn--Tâi-oân ê Kò͘-sū---Tân Chìn Archived 2020-12-02 at the Wayback Machine.