Tek-hôa Gîn-hâng

Tek-hôa Gîn-hâng (Hàn-jī: 德華銀行; Tek-gí: Deutsch-Asiatische Bank) sī Tek-kok tī 1889 nî tī Tiong-kok chhòng-pān ê gîn-hâng, iû Tek-ì-chì Gîn-hâng khan-thâu. Ho̍k-bū Tek-kok kap A-chiu tē-khu ê bō͘-e̍k, keng-êng chûn-hòng-khoán, gōa-hōe, hoat-chhau kap tâu-chu gia̍p-bū, hiòng Tiong-kok chèng-hú ê chioh-khoán bat ta̍t-kàu chiūⁿ-ek Bí-kim, sī 1912 nî sêng-li̍p ê 5 kok gîn-hâng thoân ê sêng-oân, tī 1914 nî chìn-chêng sī tī Tiong-kok éng-hióng-la̍t tē-jī ê gōa-kok gîn-hâng (tē-it sī Hiong-káng Siōng-hái Hōe-hong Gîn-hâng).