"Goā-kau" pán-pún chi-kan bô-kāng--ê tē-hng

"Goā-kau" chit-ê sû sī [[Hô chè Hàn-gí]], ì-sù sī tùi goā ê kau-sia̍p iah kau-óng, nā Se-kok bûn-jī pí-lūn [[Eng-bûn]] ê "diplomacy", i ê sû-goân sī [[Hi-lia̍p-gí]] ê "diploma", chit-ê sû ê ì-sù sī "tùi-áu". Tī [[Kó͘-tián Hi-lia̍p-bûn]]--ni̍h, "diploma" sī chí pan hō͘ oân-sêng khò-têng ha̍k-si̍p ê lâng ê chèng-su, che it-poaⁿ sī tùi-áu--ê. Tī [[Lô-má Tè-kok]] ê sî-tāi, "diploma" chit-ê jī sī chí chèng-sek ê [[lú-hêng]] bûn-kiāⁿ, chhin-chhiūⁿ hiān-chhú-sî ê [[hō͘-chiàu]], thang thong-koè sio̍k-tī tè-kok ê tō-lō͘, chit khoán lú-hêng bûn-kiāⁿ khêng-si̍t sī 2 phìⁿ ū khàm ìn ê [[kin-sio̍k]] pang. Āu--lâi, chit-ê ì-sù hùn-khoah, piàn-chò chí pa̍t-ê chèng-sek bûn-kiāⁿ, pí-lūn kap goā-kok pō͘-cho̍k chhiam-sú ê tiâu-iok téng-téng.