"Siū-cheng-loán" pán-pún chi-kan bô-kāng--ê tē-hng

'''Siū-cheng-loán''' (受精卵; ''zygote''), he̍k-chiá '''ha̍p-chú''' (合子), tī [[hoat-seⁿ seng-bu̍t-ha̍k]] lāi sī the̍h-lâi biâu-su̍t seng-bu̍t ê tē-it kai-toāⁿ, chit-sî i kan-na sī chi̍t ê [[tan-sè-pau tōng-bu̍t|tan-sè-pau]]. Chi̍t lia̍p siū-cheng-loán thong-siông sī thàu-kòe nn̄g ê [[pōe-sò͘-sèng|tan-pōe-thé]] sè-pau, chhin-chhiūⁿ cha-bó͘ ê [[loán-chú]] hām cha-po͘ ê [[cheng-chú]], thàu-kòe [[siū-cheng]] kiat-ha̍p chò-hóe só͘ hêng-sêng ê [[pōe-sò͘-sèng|jī-pōe-thé]] sè-pau. Só͘-í siū-cheng-loán pau-hâm liáu lâi-chū lāu-pē kap lāu-bú ê [[DNA]], thê-kiong liáu chi̍t ê sin ê kò-thé ê choân-pō͘ [[ûi-thoân]] sìn-sit.

Tī [[chhī-leng tōng-bu̍t]] ê [[seⁿ-thoàⁿ]] kòe-têng tiong, siū-cheng liáu-āu só͘ hêng-sêng ê siū-cheng-loán ē soá-tāng chì [[su-loán-kńg]], hun-lia̍t chò koh-khah chē ê [[sè-pau]], tān-sī i-ê toā-sè pēng bōe kái-piàn.<ref>O’Reilly, Deirdre. [http://www.nlm.nih.gov/medlineplus/ency/article/002398.htm “Fetal development,”] ''MedlinePlus Medical Encyclopedia'' (2007-10-19). Retrieved 2009-02-15.</ref> Siū-cheng-loán ê hun-lia̍t sī [[iú-si hun-lia̍t]].<ref>Klossner, N. Jayne and Hatfield, Nancy. ''[http://books.google.com/books?id=rAOTF7g6tbgC&pg=PA107&dq=zygote+cleavage+blastocyst&as_brr=3&ei=mJaYSbj2CZjEM-Hc9KQJ Introductory Maternity & Pediatric Nursing,]'' p. 107 (Lippincott Williams & Wilkins, 2006).</ref>