Phû-tô-gâ Borgonha Ông-tiâu

Phû-tô-gâ Borgonha Ông-tiâu iā-sī  Afonsine Ông-tiâu sī Burgundy Ông-tiâu ê chi̍t-ki, ùi Phô͘-thô-gâ Pek-chiok Henry toân--lo̍h-lâi. I sī Burgundy ê Henry ê ban-á.

Le̍k-sú

Khî-goân

Phû-tô-gâ tē-it-ê kok-ông Afonso I

Siàu-liân ê Henry bô kī-hōe kè-sêng thô͘-tē, só͘-í i chhan-ka 11 sè-kí tī Iberian Poàn-tó ê Siu-ho̍k Sit-tē Ūn-tōng. I tī cheng-ho̍k Galicia kap Pak Phû-tô-gâ liáu-āu, kap León ê Alfonso VI ê khè-hiaⁿ-kiáⁿ Teresa kiat-hun. I ê kiáⁿ Afonso Henrique tī 1128 nî kā in a-bú táⁿ-pāi liáu-āu, chiâⁿ-chò Phû-tô-gâ Kok-ông.  Kàu 1179 nî kàu-chong Alexander III chiah sêng-jīn Phû-tô-gâ sī chi̍t-ê to̍k-li̍p ê kok-ka. 

Phû-tô-gâ ê Kok-ông

Kè-sêng Afonso I ê kok-ông kè-siok tī Siu-ho̍k Sit-tē Ūn-tōng tùi-khòng Mô͘-lú-jîn. Afonso III cheng-ho̍k Algarve, hŏng hō͘-chò Phû-tô-gâ kap Algarve ê Ông.

Phû-tô-gâ ê kok-kài tī Alcanizes Tiâu-iok hŏng koat-tēng, tong-sî ê kok-ông Dinis I khai-sí hoat-tián kok-ka.

Kiat-sok

Tī 1383, Beatrice, princess of Portugal kap John I of Castile kiat-hun. Ferdinand I (in a-pa) tī kāng-chi̍t-nî sí-khì, kok-ka chìn-ji̍p 1383-1385 Crisis, chīn-khó-lêng ē hō Castile pèng-thun. Chit-ê sî-kî tī 1385 kiat-sok, in-ūi Phû-tô-gâ tī Battle of Aljubarrota ê sèng-lī , John I, Master of Aviz (Peter I ê khè-hiaⁿ-kiáⁿ) chiâⁿ-chò kok-ông, khai-sí House of Aviz.

Burgundy Ông-tiâu ê Kok-ông

1. Afonso I - Cheng-ho̍k-chiá - (1139–1185)
2. Sancho I - Si̍t-bîn-chiá - (1185–1211)
3. Afonso II - Tōa-kho͘-ê - (1211–1223)
4. Sancho II - Khiân-sêng ê - (1223–1248)
5. Afonso III - Boulogne lâng - (1248–1279)
6. Dinis I - Si-jîn - (1279–1325)
7. Afonso IV - Ióng-kám ê - (1325–1357)
8. Pedro I - Chân-jím ê iah-sī Pêⁿ-chiàⁿ ê - (1357–1367)
9. Fernando I - Ian-tâu ê - (1367–1383)

Piau-chì

Piau-chì	Chheng-ho͘	Sî-kî
	Phû-tô-gâ Kok-ông	1139–1383
	Algarve Kok-ông	1139–1383
	Boulogne Pek-chiok	1216–1260

Mā khòaⁿ-māi

• 
  
• Aviz Ông-tiâu

Gōa-pō͘ liân-kiat

• (Portuguese) The Portuguese monarchs of Burgundy and their history