"Tì-sek châi-sán-koân" pán-pún chi-kan bô-kāng--ê tē-hng
刪去的內容 新增的內容
~ added Category:Tì-sek châi-sán-koân using HotCat |
增加內容 |
||
Tē 1 chōa:
'''Tì-sek châi-sán-koân''' (智識財產權) he̍k-chiá '''tì-hūi châi-sán khoân''' (智慧財產權) ([[Eng-gí]]: intellectual property), sī chi̍t-chióng châi-sán, pau-koat tio̍h [[Lâng|jîn-lūi]] tì-hūi ê bû-hêng chhòng-chok. Tì-sek châi-sán khoân ū chin-chē chióng-lūi, ū-chi̍t-kóa kok-ka ē pí pat-ê kok-ka sêng-jīn koh-khah chē chióng ê chióng-lūi. Tang-tiong khah ū-miâ ê chióng-lūi sī [[tù-chok khoân]] (pán-khoân), [[choan-lī]], [[siong-phiau]] kah [[êng-gia̍p pì-bi̍t]]. Tì-sek châi-sán khoân ê chá-kî khài-liām tī [[Lô-má Tè-kok|Lô-má]] sî-tāi tio̍h khòaⁿ-ē-tio̍h ah, iáu-m̄-koh hiān-tāi ê tì-sek châi-sán khoân khài-liām sī tùi [[17 sè-kí]] kah [[18 sè-kí]] ê [[Eng-lân]] khai-sí hoat-tián--ê. Ài kàu [[20 sè-kí]], sè-kài kok-kok chiah kah tì-sek châi-sán la̍p-ji̍p [[hoat-lu̍t]] thé-hē tiong.
Tì-sek châi-sán khoân hoat ê bo̍k-tek sī-beh kó͘-lē lâng khì hoat-tián kok-chióng hêng-sek ê tì-sek châi-sán. Ūi-tio̍h ta̍t-sêng chit-ê bo̍k-phiau, nā-sī jîn-lūi he̍k-chiá siong-gia̍p ū chhòng-chō tì-sek châi-sán, hoat-lu̍t ē pó-chiòng in só͘-iú he̍k-chiá sú-iōng chit-ê châi-sán ê khoân-lī, ū-tang-sî-á mā-ē ū sî-kan ê hān-chè. Chit-khoán chò-hoat sán-seng chhòng-chō tì-sek châi-sán ê iú-in, in-ūi ta̍k-ke ē-sái ēng tì-sek châi-sán khì sán-seng lī-ek. Ēng thê-kiong keng-chè iú-in ê hong-sek, hi-bāng ē-sái chō-sêng chhì-kek chhòng-sin kah tùi kho-ki chìn-pō͘ ū kòng-hiàn ê hāu-kó. Hāu-kó ê hó-bái tio̍h ài khòaⁿ hoat-lu̍t tùi chhòng-chok-chiá ê pó-hō͘ ū gōa-hó.
Tì-sek châi-sán kah thoân-thóng ê châi-sán siōng-tōa ê chha-ī, sī tì-sek châi-sán pèng-bô kò͘-tēng ê hêng-thé. Tì-sek châi-sán bē-sái hun-koah, bô-lūn gōa-chē-lâng sú-iōng tì-sek châi-sán mā bē kah i ēng-hō͘-soah. Tì-sek châi-sán koh-ū chi̍t-ê giâm-tiōng ê būn-tê, tio̍h-sī só͘-iú-chiá bô-hoat-tō͘ ū-hāu khòng-chè kî-thaⁿ lâng hok-chè he̍k-chiá ēng khah-ke ê kè-siàu bē-chhut--khì. Beh jû-hô chi̍t-hong-bīn thê-kiong ū-la̍t ê hoat-lu̍t pó-chiòng, hō͘ ta̍k-ke ū tōng-ki khì chhòng-chok, chi̍t-hong-bīn koh ài kiam-kò͘ [[siong-phín]] ê chū-iû liû-thong, sī hiān-tāi tì-sek châi-sán khoân hoat ê tiōng-iàu khò-tê.
== Le̍k-sú ==
== Tì-sek châi-sán khoân ê chióng-lūi ==
== Tì-sek châi-sán khoân hoat-lu̍t ê bo̍k-phiau ==
== Chhim-khoân, tō-iōng kah chip-hoat ==
== Phoe-phêng ==
== Chham-khó ==
== Gōa-pō͘ liân-kiat ==
== Chù-kha ==
[[Lūi-pia̍t:Tì-sek châi-sán-koân]]
| |||