"Oa̍t-lâm-gú" pán-pún chi-kan bô-kāng--ê tē-hng

'''Oa̍t-lâm-gí''' (''Tiếng Việt'') sī 1 khoán [[siaⁿ-tiāu gí-giân]]. I tùi [[Hàn-gí]] chioh chiâⁿ chē sû-lūi, kòe-khì mā bat iōng [[hàn-jī]] kap hóng hàn-jī ê bûn-jī su-siá. Chóng--sī gí-giân ha̍k-ka jīn-ûi Oa̍t-lâm-gí sio̍k-î "[[Lâm-a-chiu gí-giân]]" (''Austroasiatic'') ê 1 chióng –– kap Hàn-gí bô kâng ka-chok –– jī-chhiáⁿ sī ka-chok-lāi siōng chē sú-iōng jîn-kháu ê sêng-oân, pí tē-2-tōa ê [[Khmer-gí]] chē 10 pōe.

Oa̍t-lâm-gí sī [[Oa̍t-lâm]] ê [[kok-chok]] kiam [[koaⁿ-hong gí-giân]], sī 87% ê Oa̍t-lâm-lâng ê [[bó-gí]]. Tī kok-gōa koh ū 2-pah-bān ê sú-iōng-chiá, iû-kî tī [[Bí-kok]], [[Hoat-kok]], sīm-chí [[Tâi-oân]].

Kin-kù [[Ethnologue]], Oa̍t-lâm-gí tī sè-kài ê sú-iōng hoān-ûi pau-koat [[Australia]], [[Kampuchea]], [[Kha-ná-tah]], [[Tiong-kok]], [[Côte d'Ivoire]], [[Suomi]], [[Hoat-kok]], [[Tek-kok]], [[Lao-kok]], [[Martinique]], [[Hô-lân]], [[Sin Caledonia]], [[Norge]], [[Hui-li̍p-pin]], [[Senegal]], [[Thài-kok]], [[Liân-ha̍p Ông-kok]], [[Bí-kok]], [[Vanuatu]]. [[Tâi-oân]] mā ū kúi-ā-bān ê sú-iōng-chiá, chú-iàu sī gōa-lô kap gōa-lâi sim-pū.

Hong-giân chi-kan ē-tit sio-thong. Chú-iàu ū 3 chióng: [[Hà Nội]] (Pak Oa̍t-lâm-gí), [[Huế]] (Tiong Oa̍t-lâm-gí), [[Sài Gòn]] (Lâm Oa̍t-lâm-gí). In ê siaⁿ-tiāu sió-khoá ū cheng-chha, Huế hong-giân te̍k-pia̍t bô kâng. Pak Oa̍t-lâm-gí ê ''hỏi'' kap ''ngã'' ê tiāu pí lâm-pō· hong-giân khu-pia̍t khah bêng-hián.

''Chú-iàu ê bûn-chiuⁿ: [[Oa̍t-lâm iōng Latin-jī ê le̍k-sú]]''