|
Tī [[Tâi-oân]], '''Hō-ló''' ('''Ho̍h-ló''') chit sû chí só·-ū kóng [[Hō-ló-oē]] ê lâng a̍h-sī in ê bûn-hoà.
Ū lâng jīn-ûi, siong-tùi ''[[Bân-lâm]]'', ''[[Hok-kiàn]]'', ''[[Tâi-oân]]'' téng-téng ê siong-koan-sû, ''Hō-ló'' bô bêng-hián ê tē-he̍k hoān-ûi. Chit tiám hām ''[[Kheh-ka]]'' ū lūi-sū ê só·-chāi. Chóng--sī, mā ū lâng jīn-ûi sī chí [[Hok-kiàn]] ([[hàn-jī]] siá 福佬), a̍h-sī chí [[Lo̍k-iông]] (洛陽) tē-tāi ê [[Hô-lo̍k]] (siá 河洛). Bo̍k-chêng Tâi-oân loē-pō· pēng bô 1 ê tēng-lūn.
''Hō-ló'' ê hàn-jī siá-hoat chêng-kah-taⁿ lóng ū lâng gī-lūn. Ē-tàng hun chit-kúi-chióng chú-iàu ê siá-hoat kap koan-tiám:
* 福佬 ("Hok-ló") - kiông-tiāu hām Hok-kiàn ū koan-hē
* 河洛 ("Hô-lo̍k") - kiông-tiāu Hō-ló-lâng ū kú-tn̂g ê le̍k-sú
* 鶴佬 ("Ho̍h-ló") - kiông-tiāu hàn-jī tùi hiān-tāi tho̍k-im (che tan-sûn lia̍h im lâi tàu jī ê. [[Âng Ī-jîn]])
* 貉獠 - kiông-tiāu sī goā-cho̍k phì-siùⁿ lâng ê oē-gí, bô èng-kai iōng
Tī Tâi-oân, í-siōng chêng 3 chióng hàn-jī siá-hoat lóng chin chia̍p chhut-hiān. 河洛 kap 福佬 pí-kàu-te̍k khah phó·-phiàn, 河洛 ū kín lâi kín chia̍p-iōng ê chhu-sè. Chú-liû ê koan-tiám khim-hióng kā tòng-chò chiàⁿ-bīn he̍k-chiá tiong-li̍p ê oē-gí.
Tâi-oân [[thóng-phài]] ia̍h hó, [[to̍k-phài]] ia̍h hó, lóng bô bêng-hián ê phian-ài. [[Bûn-hoà Tâi-to̍k]] tùi 河洛 khah hoán-kám, kám-kak sī 1 chióng bô ha̍h sî-tāi ê [[Tiong-goân ì-sek]], só·-í mā bat ū lâng kā kái chò "和樂", piáu-sī "hô-pêng khoài-lo̍k".
In-ūi hàn-jī ê siá-hoat kap ì-gī lóng bô khak-tēng, ū lâng chàn-sêng lia̍h im siá [[lô-má-jī]] tō hó.
== Kheh-oē ê ''Hok-ló'' ==
[[Kheh-gí]] ê koan-hē-sû sī ''Hok-ló'', Hàn-jī ê siá-hoat mā ū cheng-gī, pau-koat ū 學老, 學佬, lóng lia̍h-im tàu-jī--ê. 福佬 ê Kheh-oē tho̍k-im sī "Fuk-ló" (khó-pí 福建 sī "Fuk-kien"), m̄-koh Kheh-oē bô chit chióng kóng-hoat. Hiān-tāi ê ''Hok-ló'' bô bêng-hián ū khin-sī ê ì-bī.
{{Phí}}
[[Category:Tâi-oân]]
[[en:Hoklo (ethnic group)]]
[[zh:鶴佬人]]
| 