|
|
|
:''Koan-hē Tâi-oân Ji̍t-pún Sî-tāi ê hōe, chhiáⁿ khoàⁿ [[Tâi-oân ESP Hia̍p-hōe]].''
'''Tajvana Esperantista Asocio''' (TEA, '''Taioan Sekaigi Hiaphoe''') tī [[1990-nî]] sêng-li̍p. Tong-sî sī tī [[Kok-chè Sè-kài-gí Hia̍p-hoē]] (''Universala Esperanto-Asocio'') phài lâi [[Tâi-oân]] thui-kóng [[Sè-kài-gí]] ê Sè-kài-gí lāu-su Joakimo Werdin ê hia̍p-chō͘ hā sêng-li̍p ê. Tē-1-jīm hoē-tiúⁿ sī Tintilo (Ông Tiong-i 王鐘伊). Āu--lâi Tintilo chham Joakimo kiat-chò ang-á-bó͘, sio-chhoā tńg-khì [[Polska]], TEA ê hoē-tiúⁿ oāⁿ Arbaro (Lîm Bûn-êng 林文榮) tam-jīm. Hiān-chú-sî Arbaro iáu-kó sī TEA ê miâ-gī-siōng ê hoē-tiúⁿ. Chit-tiong-kan, tùi TEA chò-koè phah-piàⁿ--ê, iáu-kó ū: Zhong Qiyao (Tiong Khé-giâu 鍾啟堯) -- chhut-pán ''Tajvana Esperantisto'' (Tâi-oân Sè-kài-gí-chiá) Cha̍p-chì; Reza Kheirkhah -- tī Pîn-tong Lâm-êng Ko-téng Ha̍k-hāu (南榮高中) khò-goā oa̍h-tāng kà Sè-kái-gí; Manlajo -- chú-chhî Sè-kái-gí kàu-ha̍k bāng-chām [http://www.lernu.net lernu!] lāi-bīn ê Tiong-bûn pō͘-hūn; Grego Kay -- chhut-pán ''Formoza Folio'' (Tâi-oân chi Hiō), téng-téng ê jîn-sū.
[[Category:Sè-kài-gí]]
|
