"Liân-oe̍h" pán-pún chi-kan bô-kāng--ê tē-hng

刪去的內容 新增的內容
無編輯摘要
 
Tē 3 chōa:
 
== Chiap jī ê liân-oe̍h ==
Tī [[Dionysius Thrax]] ê [[Hi-lia̍p-gí]] tì-chok í-keng ū kā liân-oe̍h phiat chò bûn-hoat kì-hō. Hong-hoat sī tiám tī [[tan--sû]] ē-té (hit-chūn Hi-lia̍p bûn-jī bô keh [[khòng-keh]]) ê chi̍t sûn oan-khiau pit-oe̍h, tāi-piáu nn̄g-ê tan--sû sī ài chò chi̍t hāng tan-to̍k khài-liām lâi liáu-kái. La-tin bûn-jī tī 2 sè-kí bóe kàu 3 sè-kí ê sî, mā o̍h Hi-lia̍p bûn-jī bô ēng khòng-keh; chóng-sī kàu 8 sè-kí ê sî, koh siū hui bú-gí tha̍k-chiá, pí-lūn [[Celt lâng]] [[cheng-lū]] ê koàn-sì éng-hióng, têng-sin chhái-ēng khòng-keh. Hit-tang-chūn ê chhau-siá-sai, nā khòaⁿ tio̍h bô pit-iàu ê khòng-keh, chiō ōe chiūⁿ chá-chêng Hi-lia̍p-sek ê liân-oe̍h chò má-kuh. 9 sè-kí í-āu, Hi-lia̍p-gí mā siū éng-hióng kái-ēng khòng-keh, liáu-āu iû-kî koh siū [[Johannes Gutenberg|Gutenberg]] sek ê ìn-soat éng-hióng, kū Hi-lia̍p-sek ê liân-oe̍h chiām-chhù hông hòe-tû.<ref name="Houston2013">{{Harvnb|Houston|2013|loc=Chapter 7: The Hyphen}}</ref>
 
== Óa-piⁿ-sek ê liân-oe̍h ==
Liân-oe̍h ê lēng-gōa chi̍t khoán khí-goân, sī chi̍t khoán "óa-piⁿ-sek" (''marginal'') ê liân-oe̍h, sī siá tī in-ūi thiàu chōa soah thiah-khui ê tan--sû chêng pòaⁿ-pêng āu-piah, piáu-sī kap pâi ji̍p ē-kha hit chōa ê tan--sû āu pòaⁿ-pêng liân-sio̍k. Tī 10 sè-kí ê [[Eng-lân]], chit sek ê liân-oe̍h í-keng ū ēng.<ref name="Houston2013"/>
 
Pí-lūn Eng-gí ê óa-piⁿ-sek liân-oe̍h ēng-hoat thang chhiūⁿ:
Tē 20 chōa:
== Pe̍h-ōe-jī ê sú-iōng ==
{{see also|Pe̍h-ōe-jī ê le̍k-sú}}
Liân-oe̍h tī Pe̍h-ōe-jī chú-iàu ê sú-iōng, chiàu [[Carstairs Douglas]] tī 1873 nî chhut-pán ê Ē-mn̂g-ōe sû-tián lāi-bīn ké-soeh, sī ēng lâi kā liân-sio̍k ho͘-im ê tan--sû im-chat chiap chò-hóe; jî-chhiá mā khó-lū tio̍h mài kā jī chiap siuⁿ kòe tn̂g--khì. In-ūi pian-siá khang-khòe ê cheng-chha, Douglas sû-tián pún-sin tùi liân-oe̍h ê sú-iōng, iû-kî tú tio̍h 3-ê im-chat ê tan--sû ê sî-chūn, sī iû-goân iáu bô it-tì--ê.<ref>{{Harvnb|Douglas|1873|loc=Introduction}}</ref> Lēng-gōa hit chūn mā í-keng ū ēng '''siang-liân-oe̍h''' piáu-tat khin-siaⁿ ê siat-kè.<ref>{{Harvnb|Douglas|1873|loc=Explanation of Abbreviations, and of Peculiar Marks, &c.}}</ref>
 
Tī kin-sè khah ún-tēng thong-hêng ê Pe̍h-oē-jī kè-sio̍k 19 sè-kí ê siat-kè, kā liân-oe̍h ēng chò chiong [[im-chiat]] liâm chò [[tan--sû]] ê hû-hō. Lēng-gōa mā pó-chhî chá-chêng siang-liân-oe̍h<ref>{{Harvnb|Barclay|1923|loc=劃 "siang-liên-u̍ih, a double hyphen."}}</ref><ref>{{cite book|title=臺灣羅馬白話字自修書|author=張洪南|year=1922}}</ref> ê ēng-hoat, piáu-sī chiap āu ê im-chat ho͘ khin-siaⁿ.
 
Pe̍h-ōe-jī ia̍h ū bô tàu liân-oe̍h ê siá-hoat. Che tang-tiong chi̍t khoán sī ēng [[tan-]]-sû chò tan-goân, kā chē-ê im-chat liân chò-hóe siá.<ref>{{cite book|title=台語這條路─台文工作者訪談錄|author=楊允言|year= 1995 |publisher=台笠出版社 & 學生台灣語文促進會|isbn= 9789579974813|page=47}}</ref> koh ū chi̍t khoán siat-sióng sī o̍h Oa̍t-lâm-gí ê chiàⁿ-jī-hoat kā im-chat pun-khui siá.<ref>{{cite paper|title=40年ê文字思考|author=張裕宏|year=2014|url=http://ip194097.ntcu.edu.tw/memory/tgb/thak.asp?id=840&page=1}}</ref>
 
== Tiān-náu chhú-lí ==