Neutrino

Neutrino (Tâi-gí ho͘-im: niu-chhúi-nò͘; iōng Hi-lia̍p jī-bó ν chò kì-hō) sī chi̍t-chióng kan-ta ē hoat-seng jio̍k-le̍k kap tiōng-le̍k chok-iōng ê ki-pún lia̍p-chú. Neutrino ê spin sī 1/2, só͘-í i sī fermion; i ê chit-liōng khah sè kî-thaⁿ ê ki-pún lia̍p-chú, ti̍t-beh bô-khì.

Neutrino

Lí-lūn	{{{lí-lūn}}}
Spin	1/2
B − L	−1
X	−3

Jio̍k-le̍k chok-iōng ê hoān-ûi sè-sè chi̍t-phìⁿ-á niā-niā, tiōng-le̍k iū koh put-chí-á jio̍k, kì-jiân neutrino bōe chham-ú kiông-le̍k chok-iōng, i chhŏaⁿ ē-tàng chhǹg-kòe tāi-pō͘-hūn ê it-poaⁿ bu̍t-chit, siáⁿ-mih to bô châi-tiāu kā tìn--lo̍h-lâi, i mā bōe hŏng cheng-chhek--tio̍h.

Jio̍k-le̍k chok-iōng sán-seng ê neutrinos ū saⁿ chióng lepton bī: tiān-chú neutrino (ν_e), muon neutrino (ν_μ), ia̍h-sī taon neutrino (ν_τ), kok-chū tùi-èng i ê lepton.

Ē-bīn chióng-chióng ê hòng-siā-sèng decay ē-sái sán-seng neutrino:

• goân-chú-hu̍t ia̍h hadron ê beta decay
• tī hêng-chheⁿ hu̍t-sim chū-jiân hoat-seng ê hu̍t-hoán-èng
• jîn-kang hu̍t-hoán-èng, phì-jū hoat-seng tī goân-chú-lô͘, goân-chú-tôaⁿ, ia̍h lia̍p-chú ka-sok-khì.
• chhiau-sin-chheⁿ po̍k-chà ê sî
• tiong-chú-chheⁿ ê spin-down
• ú-tiū-sòaⁿ ia̍h ka-sok lia̍p-chú-sok khì lòng--tio̍h goân-chú ê sî

Miâ-chheng

In-ūi neutrino sī tiān-tiong-sèng--ê (Italia-gí word stem: neutr-), jî-chhiáⁿ i ê chit-liōng chin sè (Italia-gí suffix: -ino), khah-chá lâng lóng kiò-sī i bô chit-liōng, só͘-í Italia bu̍t-lí-ha̍k-ka Enrico Fermi kā i hō chò neutrino.

TĪ Hôa-gí, neutrino sī chiàu i goân-té ê ì-sù hoan-e̍k chò 微中子 (Tâi-oân) ia̍h-sī 中微子 (Tiong-kok).